Qazaqstannyń úsh oblysynda tuqym qoımalaryn sý basty

<p>ASTANA. KAZINFORM &ndash; Aýyl sharýashylyǵy mınıstrligi tuqym qoımalary men jylyjaı keshenderin sý basý faktileri týraly habarlady.</p>

«Batys Qazaqstan oblysy ákimdiginiń derekterine sáıkes, bıylǵy sý tasqyny saldarynan oblysta jalpy kólemi 4 myń gektarǵa jýyq kúzdik egis alqaptaryn, sondaı-aq Báıterek aýdany Mahambet aýyldyq okrýginde 1 gektar jylyjaı keshenin sý basty», - delingen mınıstrliktiń Kazinform agenttigine bergen jaýabynda.

Vedomstvo málimetine qaraǵanda, óńir ákimdikteri Aqtóbe, Qostanaı jáne Soltústik Qazaqstan oblystarynda 170 tonnaǵa jýyq (Aqtóbe oblysy – 80 tonna, Qostanaı oblysy – 40 tonna, Soltústik Qazaqstan oblysy – 50 tonna) tuqym sý astynda qalǵanyn habarlady.

«Jalpy alǵanda, oblys ákimdikteriniń jedel málimetteri boıynsha egin alqaptaryn sý basý qaýpiniń basqa derekteri tirkelgen joq. Egin egý naýqany bastalǵan kezde ylǵaldylyǵy tym joǵary alqaptar bolsa, onda tyńaıǵan alqaptarǵa dán sebý arqyly egis alqaby keńeıtiledi», - delingen jaýapta.

Budan buryn habarlanǵandaı, Sáken Seıfýllın atyndaǵy Qazaq agrotehnıka ýnıversıtetiniń eginshilik jáne ósimdik sharýashylyǵy kafedrasynyń qaýymdastyrylǵan professory, PhD doktory Ádilbek Noǵaev bıyl egis naýqanyna tónetin qaterdi atady.