Qazaqstannyń toǵyz óńirinde aýa raıyna baılanysty eskertý jarııalandy

<p>Sınoptıkter respýblıkanyń toǵyz óńirinde aýa raıyna baılanysty eskertý jarııalady, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Qazgıdromet sınoptıkteriniń boljamy boıynsha, 11 qazanda Astanada batystan, ońtústik-batystan jel soǵyp, ekpini 15-20 m/s jetedi.

Shymkentte soltústik-batystan jel turyp, soltústik-shyǵysqa aýysady. Jyldamdyǵy sekýndyna 15-20 metrge jetedi.

Aqmola oblysynyń soltústik, shyǵysyna batys, ońtústik-batystan 15-20 m/s jel soǵady.

Aqtóbe oblysynyń batysy, soltústigi men ortalyǵynda túnde 3 gradýsqa deıin aıaz bolady.

Batys Qazaqstan oblysynyń túnde shyǵysynda, kúndiz kóp bóliginde jaýyn-shashyn túsip, jańbyr qarǵa ulasady. Oblystyń shyǵysynda túnde, batys pen soltústiginde tańerteń kóktaıǵaq bolady. Soltústigi men shyǵysynda túnde jáne tańerteń tuman túsedi.

Qostanaı oblysynyń soltústigi, shyǵysynda túnde jáne tańerteń tuman bolýy múmkin. Oblystyń batysy men soltústigine ońtústik-batys, batystan soqqan jeldiń jyldamdyǵy sekýndyna 15-20 metrge jetedi.

Pavlodar oblysynyń batysy, ońtústigi men shyǵysynda batystan jel turyp, ekpini 15-20 m/s bolady.

Soltústik Qazaqstan oblysynyń soltústik-shyǵysynda túnde jáne tańerteń tuman túsedi. Oblystyń shyǵysynda túnde ońtústik-batystan, kúndiz oblystyń kóp bóliginde 15-20 m/s jel soǵady.

Túrkistan oblysynyń soltústigi, batysy, taýly jáne taý baýraıyndaǵy aýdandarynda túnde, taýly asýlarda kúndiz soltústik-batystan ekpini 15-20 m/s jel soǵyp, soltústik-shyǵysqa aýysady. 11 qazanda oblystyń soltústik, batysynda órt tutaný qaýpi joǵary bolady.