Qazaqstannyń tarıhı oryndaryn ıÝNESKO-ǵa engizýge ne kedergi

<p>ASTANA. KAZINFORM &ndash; Otyrar, Syǵanaq, Kúltóbe-ıAssy, Jankent, Saýran, Jeti Asar tarıhı oryndaryn ıÝNESKO-nyń Búkilálemdik mura tizimine engizý jumystary jalǵasýda. Bul týraly QR Mádenıet jáne aqparat mınıstri Aıda Balaeva aıtyp berdi.</p>

«Búgingi tańda elimizde 12 mýzeı-qoryq bar. Qazir týrızmnen túsip otyrǵan paıdanyń qomaqty úlesi de sol murajaı-qoryqtardyń enshisinde. Dese de, biz osy potentsıaldy áli de tolyq paıdalanbaı kelemiz. Tipti, sheteldikterdi bylaı qoıǵanda, olardyń tabaldyryǵyn attamaǵan qanshama otandastarymyz bar», - dedi A. Balaeva Qazmedıa ortalyǵynda mınıstrliktiń alqa otyrysynda.

Mınıstrlik mýzeı-qoryqtardyń ulttyq marshrýtyn mádenı-rýhanı mazmunmen kúsheıtý máselesin qolǵa almaq. Ol úshin arnaıy tujyrymdama jasalady. 
Sonymen birge, Qazaqstandaǵy tarıhı-mádenı nysandardy ıÝNESKO-nyń Búkilálemdik mura tizimine engizý jumystary jalǵasýda.

«Osy maqsatta Otyrar, Syǵanaq, Kúltóbe-ıAssy, Jankent, Saýran, Jeti Asar tarıhı oryndarynyń tıisti qujattary ázirlengen bolatyn. Bul jumys ońaı bolyp jatqan joq, óıtkeni, ıÝNESKO-nyń eń mańyzdy talaptarynyń biri – jádigerdiń fızıkalyq jaǵdaıy. Árıne, bizge jergilikti organdardyń kómegi aýadaı qajet, ásirese mýzeı-qoryqtar men tarıhı-mádenı obektiler aýmaǵyn abattandyrý, jol júrgizý, jóndeý, eskertkishterge aparatyn jol kórsetkishterdi, ınternet júıelerin, modýldik dárethanalar ornatý sekildi ınfraqurylymdy damytý nemese sapasyn jaqsartý boıynsha belsendi jumystar júrgizý kerek», - dedi Mádenıet mınıstri. 

A. Balaeva bul bastamanyń jergilikti halyq úshin úlken ekonomıkalyq paıdasy baryn esten shyǵarmaýdy aıtty.