Qazaqstannyń sot júıesinde qansha áıel jumys isteıdi

<p>ASTANA. KAZINFORM &ndash; Búginde Qazaqstanda 2000-nan astam sýdıa jumys isteıdi. Olardyń jartysy áıel. Bul týraly Ortalyq Azııa elderi úshin qylmystyq ádilet salasyndaǵy toǵyzynshy sarapshylar forýmynda sóz sóılegen QR Joǵarǵy Sotynyń sýdıasy Gúlnara Mergenova aıtty, dep habarlaıdy Kazinform agenttiginiń tilshisi.</p>

Gúlnara Mergenovanyń aıtýynsha, QR Joǵarǵy Sotynda 53 sýdıa jumys isteıdi, olardyń 48%-yn áıelder quraıdy. Olar sot alqasynyń tóraǵasy, sot bıliginiń joǵarǵy organy – plenarlyq májilis hatshysy bolyp qyzmet atqarady. Sondaı-aq QR Joǵarǵy Soty janyndaǵy Sýdıalar odaǵy oblystyq fılıalynyń jetekshisi de áıel. Oblystyq sottarda 13 áıel alqalardyń tóraǵasy bolyp qyzmet etedi. Al aýdandyq sottardy 79 áıel basqarady.

«Osylaısha, sot júıesinde áıelder men erlerdiń sany teń. Sýdıa laýazymyn atqarýǵa eshqandaı shekteý joq, – dedi Gúlnara Mergenova.

Óz sózinde ol QR «Sot júıesi jáne sýdıalardyń mártebesi týraly» Zańyna sáıkes, sýdıa laýazymyna úmitkerlerge qoıylatyn talaptar birdeı ekenin jetkizdi. Atap aıtqanda, 30 jasqa tolý, joǵary zańgerlik bilim, joǵary moraldyq-adamgershilik qasıetter jáne bedeline nuqsan kelmeý. Sýdıanyń qyzmet merzimin uzartý kórsetkishteri de birdeı.

Memleket basshysy sot júıesin reformalaýǵa qatysty zańǵa qol qoıdy.