Qazaqstannyń Syrtqy ister mınıstri Tájikstanǵa resmı saparmen keldi

<p>ASTANA. KAZINFORM &ndash; Qazaqstan Respýblıkasy Premer-Mınıstriniń orynbasary &ndash; Syrtqy ister mınıstri Murat Nurtileý Tájikstan Respýblıkasyna resmı saparmen keldi. Bul týraly QR Syrtqy ister mınıstrliginiń baspasóz qyzmeti habarlady.</p>

Dýshanbe halyqaralyq áýejaıynda Qazaqstan SІM basshysyn Tájikstan Syrtqy ister mınıstriniń orynbasary Farrýh Sharıfzoda jáne basqa da resmı tulǵalar qarsy aldy.

Sapar baǵdarlamasyna sáıkes M.Nurtileý Tájikstannyń Syrtqy ister mınıstri Sırodjıddın Mýhrıddınmen kelissózder jáne jetekshi tájik kásiporyndary men kompanııalarynyń ókilderimen kezdesý ótkizedi.

Foto: QR Syrtqy ister mınıstrliginiń baspasóz qyzmeti

QR syrtqy saıası vedomstvosynyń basshysy Dýshanbe alańyndaǵy Ismoılı Somonı eskertkishine jáne Abdýlkosım Fırdoýsı atyndaǵy saıabaqtaǵy Tájikstandaǵy qazaqstandyq bitimgerlerge arnalǵan eskertkishke gúl shoqtaryn qoıý rásimine qatysady.

Sapar aıasynda QR Syrtqy ister mınıstri M.Nurtileýdi Tájikstan Respýblıkasynyń Prezıdenti Emomalı Rahmon qabyldaıdy.