Qazaqstannyń ShYU elderimen taýar aınalymy 66 mlrd dollarǵa jetti

<p>ASTANA. KAZINFORM &ndash; ShYU elderinen byltyr Qazaqstanǵa 4,6 mlrd AQSh dollar kóleminde ınvestıtsııa tartylǵan. Bul týraly &laquo;Atameken&raquo; UKP tóraǵasy, ShYU múshe elderi iskerlik keńesiniń tóraǵasy Raıymbek Batalov málim etti.&nbsp;</p>

Foto: Soltan Jeksenbekov / Kazinform

«Búgin Shanhaı Yntymaqtastyq Uıymynyń iskerlik keńesi sheńberinde ekonomıkalyq yntymaqtastyǵymyzdy nyǵaıtýdyń perspektıvalary men joldaryn talqylaý úshin jınaldyq. Ótken jyly shildede Qazaqstan ShYU tóraǵasy rólin óz moınyna aldy jáne osy ýaqyt ishinde biz aıtarlyqtaı nátıjelerge qol jetkizdik. Qazaqstannyń bıznesi agroónerkásiptik keshen, mashına jasaý, logıstıka, medıtsına, bilim berý, IT, týrızm taǵy sol sııaqty ekonomıkanyń kóptegen sektoryn qamtıtyn ShYU elderiniń bıznesimen belsendi yntymaqtasady», - dedi Raıymbek Batalov elordada ótken ShYU múshe elder ókilderiniń qatysýymen ótken iskerlik keńeste. 

Foto: Soltan Jeksenbekov / Kazinform

Onyń aıtýynsha, ShYU elderi arasynda eksport pen ımport kólemi artyp, birlesken kásipkerlik damyp jatyr. 

«2023 jyly Qazaqstannyń taýar aınalymy ShYU elderimen shamamen 66 mlrd AQSh dollaryn qurap, 7,5%-ǵa ósti. Búginde Qazaqstan aýmaǵynda ShYU elderi kapıtalynyń qatysýymen 29 myńnan astam kompanııa jáne 5 myńnan astam birlesken kásiporyn jumys isteıdi. 2023 jyly ShYU elderinen Qazaqstanǵa ınvestıtsııalar kólemi 4,6 mlrd AQSh dollaryn quraıdy», - deıdi ol.