Qazaqstannyń Samarqandtaǵy Bas konsýly oblystyq baspasóz úıinde boldy

<p>TAShKENT. KAZINFORM - Qazaqstan Respýblıkasynyń Samarqand qalasyndaǵy Bas konsýly Talǵat Sháripov oblystyq baspasóz úıine baryp, ondaǵy gazetterdiń qyzmetimen, baspasóz tarıhymen tanysty, dep habarlaıdy <a href="https://uza.uz/uz/posts/qozogistonning-samarqanddagi-bosh-konsuli-viloyat-matbuot-uyida-boldi_678172" target="_blank" rel="noopener">ÓzA</a>.</p>

Bas konsýlǵa júz jyldan astam tarıhy bar oblystyq baspasózdiń, onyń ishinde «Zarafshon», «Samarkandskıı vestnık» jáne «Ovozı Samarqand» gazetteriniń qyzmeti týraly baıandaldy. Búgingi alasapyran zamanda aqparattyń mańyzdylyǵy men jańalyqtardy halyqqa jyldam ári sapaly jetkizý jóninde pikir almasty.

Qazaqstan konsýldyǵy óńirlik BAQ-pen tyǵyz jumys isteýge daıyn ekenin bildirdi.

— Men baýyrlas Ózbekstan men ózbek halqyn jaqsy bilemin, — deıdi Talǵat Sháripov. — Samarqandta jumysty bastamas buryn Qazaqstannyń Ózbekstandaǵy elshiliginde jumys istedim. Men ol kezde Samarqandqa is babymen kelgenmin, biraq onyń baspasózimen tanys emes edim. Búginde men osy ejelgi de ásem qalada jumys isteı otyryp, osyndaı múmkindikke ıe bolǵanyma qýanyshtymyn. Samarqand tarıhı eskertkishterimen, kıeli oryndarymen ǵana emes, jýrnalıstıkasynyń tarıhılyǵymen de mańyzdy ekenine kýá boldym.

Sondaı-aq, Bas konsýl yntymaqtastyq týraly da pikir bildirdi.

— Dinimiz bir, tilimiz jaqyn, sondyqtan ómir saltymyz da, damý maqsatymyz da bir. Jýrnalıstıka salasyndaǵy ózgerister men uqsastyqtar da osyndaı. Sondyqtan eki memleket pen eki baýyrlas halyq arasyndaǵy mádenı-shyǵarmashylyq, ǵylymı-tarıhı baılanysty nyǵaıtý maqsatynda Samarqandta Qazaqstan, osy tarıhı qala týraly bizdiń baspasóz basylymdary men telearnalarymyzda maqalalar jazyp, habarlar daıyndaýdy kózdep otyrmyz. sondaı-aq Qazaqstanǵa press-týr uıymdastyrý oıymyzda bar, — dedi ol.

Eske sala keteik, Qazaqstannyń Samarqandtaǵy Bas konsýldyǵy 2021 jyldyń sáýirinde jumysyn bastady.