Qazaqstannyń ońtústik-shyǵysynda úsik júredi

<p>ASTANA. KAZINFORM &ndash; Antıtsıklonmen birge túnde Jambyl, Almaty oblystary men Jetisý óńirine alǵashqy aıaz keledi, dep habarlaıdy Qazgıdromet.</p>

Qazaqstan aýmaǵy arqyly ótetin soltústik-batys antıtsıklon negizinen jaýyn-shashynsyz kún raıyn saqtap qalady. Soltústik oblystar sýyq aýa raıyna daıyn bolsa, ońtústik turǵyndaryn aýa temperatýrasynyń aıtarlyqtaı tómendeýin ǵana kútedi.

Soltústiktiń salqyn aǵyndary áser etken antıtsıklon túngi saǵattarda Jambyl jáne Almaty oblystaryna, sondaı-aq Jetisý óńirine alǵashqy aıazdy ákeledi.

Termometrler baǵanalary tek topyraq betinde ǵana emes, aýada da mınýs temperatýrany tirkeıdi dep boljanyp otyr.

Meteojaǵdaıǵa keletin bolsaq, sınoptıkterdiń boljamynsha, 27 qyrkúıekte Qazaqstannyń basym bóliginde qolaıly aýa raıy kútiledi. Aqtóbe, Atyraý, Qaraǵandy, Temirtaý qalalarynda qolaısyz meteorologııalyq jaǵdaı oryn alady.

Qolaısyz meteorologııalyq jaǵdaı (QMJ) – atmosferalyq aýanyń betki qabatynda zııandy (lastaýshy) zattardyń jınalýyna yqpal etetin qysqa merzimdi meteorologııalyq faktorlardyń (tymyq, azdaǵan jel, tuman, ınversııa) jıyntyǵy. Mundaı jaǵdaı oryn alǵan kezde eldi mekenderdegi atmosferalyq aýanyń sapasy nasharlaýy múmkin.