Qazaqstannyń ońtústiginde kún sýytyp, jańbyr qarǵa aýysady

<p>ASTANA. KAZINFORM &mdash; Qazaqstan Respýblıkasynyń basym bóliginde aýyrqysymdy alqaptardyń jyldam aýysýy jaǵdaıynda turaqsyz kún raıy saqtalyp, jaýyn-shashyn, jańbyr men qar jaýyp, kóktaıǵaq, ekpindi jel, tuman boljanyp otyr, dep habarlaıdy &laquo;Qazgıdromet&raquo; RMK.&nbsp;</p>

«5 qarashada batysta, 6 qarashada soltústikte, 6-7 qarasha kúnderi respýblıkanyń shyǵysynda, ońtústiginde, ońtústik-shyǵysynda qatty jaýyn-shashyn boljanyp otyr. Tek 5 qarashada soltústik jáne soltústik-batys oblystarda jaýyn-shashynsyz kún raıy bolady», — delingen «Qazgıdromet» habarlamasynda.

Respýblıkanyń shyǵysynda, ońtústiginde, ońtústik-shyǵysynda kezeńniń sońyna qaraı aýa temperatýrasy tómendeıdi: túnde -3 gradýstan +5 gradýsqa deıin, taýly aımaqtarda -8 gradýs, kúndiz 0-7 gradýs aıaz, taýly aımaqtarda -2 gradýsqa deıin tómendeıdi.

Buǵan deıin «QazAvtoJol» júrgizýshilerge aýa raıynyń nasharlaıtynyn eskertken bolatyn.