Qazaqstannyń munaı servısi salasy halyqaralyq naryqqa shyǵýda

<p>ASTANA. KAZINFORM &ndash; &nbsp; Qazaqstanda jasalǵan &laquo;Satti&raquo; ózi kóteriletin qalqymaly alǵashqy teńiz burǵylaý qondyrǵysy Kaspıı teńiziniń Túrikmenstan sektoryndaǵy Sheleken ken ornynda burǵylaý jumystaryn bastaıdy. &laquo;Satti&raquo; &mdash; bul kúrdeli teńiz jaǵdaılarynda burǵylaý jumystaryn júrgizýge arnalǵan, ozyq tehnologııalarmen tolyq jabdyqtalǵan <a href="https://t.me/kmgpress/4935" target="_blank" rel="noopener">biregeı qondyrǵy</a>.</p>

2021 jyly modıfıkatsııadan ótkennen keıin onyń júk kóterý qýaty 453 tonnadan 680 tonnaǵa deıin artty. Nátıjesinde aýqymdy jobalar úshin jańa múmkindikter ashyldy. Qondyrǵy 6 myń metrge deıingi tereńdiktegi uńǵymalardy burǵylaı alady.

Sheteldegi jobalarda «Satti» platformasynyń tabysty paıdalanýy Qazaqstannyń joǵary sapaly qyzmet kórsetip, álemdik deńgeıde kúrdeli munaı-gaz jumystaryn oryndaý qabiletin rastap otyr.

Foto: «QazMunaıGaz» kompanııasynyń baspasóz qyzmeti

Aldaǵy ýaqytqa josparlanǵan jumystarǵa baılanysty Ashhabad qalasynda «KMG Drilling and Services» kompanııasynyń («Satti» qondyrǵysyn ıelik etetin «QazMunaıGaz» UK AQ-nyń enshiles kásiporny) fılıaly ashyldy, bul Túrikmenstandaǵy qyzmetterdi jedel ári tıimdi atqarýǵa múmkindik beredi. KMG DS fılıalynyń ashylý saltanatyna QMG basshysy Ashat Hasenov qatysty.

Bul is-shara elimizdiń halyqaralyq munaı servısi qyzmeti naryǵyna qatysýyn keńeıte otyryp, Qazaqstan men Túrikmenstan arasyndaǵy ekijaqty yntymaqtastyqty nyǵaıta túsýde.

Bıyl tamyz aıynda KMG DS jáne Dragon Oil Turkmenistan Limited Kaspıı teńiziniń túrikmen sektorynda burǵylaý jumystaryn júrgizýge kelisimshart qabyldaǵan bolatyn.

Anyqtama:

«KMG Drilling & Services» JShS — 2008 jyly ashylǵan QazMunaıGazdyń enshiles kompanııasy. Kaspıı teńiziniń qazaqstandyq sektorynda burǵylaý qyzmetterin kórsetetin jetekshi kásiporyn. Satti alǵashqy teńiz burǵylaý qondyrǵysyna ıelik etedi.

Dragon Oil Turkmenistan Ltd — DragonOil kompanııasynyń enshiles uıymy (BAÁ). Kaspıı teńizindegi Sheleken aýmaǵynda kómirsýtekterdi barlaý jáne óndirýmen aınalysady. Kásiporyn EmiratesNational Oil Company (ENOC) menshiginde.