Qazaqstannyń kishkentaı júzgishteri Azııa ashyq chempıonatynan 62 medal ákeldi

<p>BANGKOK. KAZINFORM — Taıland eliniń Bangkok qalasynda ótken mektep oqýshylary arasyndaǵy sý sportynan Azııa ashyq chempıonaty aıaqtaldy.</p>

Azııa chempıonatyna 14 elden 896 sportshy qatysqan. 

Qazaqstan júzý quramasynan ártúrli jastaǵy 22 sportshy baǵyn synady.

Onyń kóbi Qazaqstan jasóspirimder quramasyna kiredi.

«Bizdiń qurama 62 medal jeńip aldy, onyń ishinde 32 altyn, 20 kúmis jáne 10 qola medal. Qazaqstan quramasy jalpykomandalyq esepte úshinshi orynǵa ıe boldy» dep súıinshi habardy jetkizdi Qazaqstannyń sý sporty quramasy.