Qazaqstannyń Qytaıǵa taýar eksporty kemip barady
«2023 jyldyń 7 aıynyń qorytyndysynda Qytaı Qazaqstan eksporty boıynsha (19,9 paıyz) 2-oryndy (EAEO-ǵa múshe memleketterdi esepke almaǵanda) alady. Qazaqstannyń Qytaıǵa eksporty 7,6 mlrd AQSh dollaryn qurady. Bul 2022 jyldyń sáıkes kezeńimen salystyrǵanda 2,8 paıyzǵa (7,8 mlrd dollar) az», - dep atap ótedi vedomstvo agenttiktiń resmı saýalyna bergen jaýabynda.
Vedomstvo málimetinshe, Qazaqstan eksportynyń negizgi bóligin, naqtyraq aıtqanda 63,4 paıyzyn mıneraldy ónimder quraıdy. Degenmen, bul ónmderdiń eksport kólemi de 7 aıda (4 892 mln dollar) 1,7 qysqaryp (2022 jyldyń 7 aıynda 4 975 mln dollar) otyr.
«Sonymen qatar, metaldar men olardan jasalǵan buıymdar eksporttalatyn taýarlardyń 27,7 paıyzyn quraıdy. Osy taýarlar tobynyń eksport kólemi de 26,4 paıyzǵa (2023 jylǵy 7 aıda - 1 600,7 mln dollar, 2022 jyldyń 7 aıynda – 2 175 mln dollar) tómendedi», - dep naqtylaıdy komıtetten.