Qazaqstannyń Qyrǵyzstanǵa janarmaı jetkizýdi toqtatqany ras pa

<p>Astanada Qyrǵyzstan men Qazaqstan temir joldary basshylyǵy kezdesip, bıylǵy 9 aıda júk tasymaldaý kóleminiń ulǵaıǵanyn atap ótti, dep habarlaıdy <a href="https://kaz.inform.kz/" target="_blank" rel="noopener">QazAqparat</a> &laquo;Qazaqstan temir joly&raquo; UK&raquo; AQ baspasóz qyzmetine silteme jasap.</p>

Eki el arasyndaǵy temir jol kóligimen júk tasymaldaý kólemi ótken jyldyń sáıkes kezeńimen salystyrǵanda 10%-ǵa ósip, 4 mln tonnaǵa jetken.

Qazaqstan aýmaǵy arqyly Qyrǵyzstanǵa Tranzıt 11%-ǵa, 2,6 mln tonnaǵa deıin ósken.

Qazaqstannan Qyrǵyzstanǵa eksport — 1,5 mln tonna, munda 16% ósim bar.

Taraptar birinshi kezekte Qazaqstan aýmaǵy arqyly áleýmettik mańyzy bar sıpattaǵy júk tranzıti boıynsha birlesken tasymaldaý josparlaryn tolyq kólemde kelisken.

«2023 jyldyń qazan aıyna Qazaqstan temir joly munaı ónimderi tranzıtin 144 myń tonna kóleminde maquldaǵan. Bul rette 24,5 myń tonna munaı ónimderi Qyrǵyz Respýblıkasyna jetkizilip jatyr. Osylaısha, kezdesýde Qazaqstan boıynsha Qyrǵyzstanǵa tranzıttik júktiń, onyń ishinde munaı ónimderiniń ótýi boıynsha problema joq ekeni atap ótildi. Qazaqstan aýmaǵy boıynsha janar-jaǵarmaı tranzıti toqtaǵany týraly aqparat shyndyqqa janaspaıdy, Qyrǵyzstan naryǵynda munaı ónimderi tapshylyǵy týyndaıtyny jóninde alańdaýshylyq negizsiz», — dep jazylǵan kompanııanyń resmı málimdemesinde.

Qyrǵyzstan men Qazaqstannyń temirjol ákimshilikteri júkterdiń qozǵalysyn tolyq baqylaıdy jáne júkti mejeli jerge deıin úzdiksiz jáne turaqty jetkizýdi qamtamasyz etý maqsatynda tyǵyz baılanysta bolady.

Qol jetken ýaǵdalastyqqa sáıkes, «Qazaqstan temir joly» UK» AQ Qazaqstan Respýblıkasy aýmaǵy boıynsha Qyrǵyz Respýblıkasyna jáne kerisinshe ótetin tranzıttik júkterdi ýaqytyly maquldaýdy qamtamasyz etedi.

Buǵan deıin qyrǵyzstandyq «Kabar» aqparat agenttigi elde janar-jaǵarmaı tapshylyǵy bolmaıtynyn, tranzıtpen esh másele joq ekenin jazǵan edi.