Qazaqstannyń qaı óńirlerinde joldar jabyldy
«15 qańtar saǵat 11.00-degi ahýalǵa sáıkes, aýa raıynyń qolaısyzdyǵy saldarynan 6 oblysta respýblıkalyq mańyzy bar avtojoldardyń 12 ýchaskesinde kólik qozǵalysyna shekteý engizildi. Qazirgi saǵatta respýblıkalyq mańyzy bar avtojoldardy qysqy kútip-ustaýǵa 744 tehnıka men 1358 jolshy jumyldyryldy», - dedi «Qazavtojol» ulttyq kompanııasynyń resmı ókili Dınara Qamzanova.
Búgin tańǵy 7.30-da Astana-Şýche jáne Şýche-Astana baǵyttary boıynsha «Qazavtojol» jáne jergilikti polıtsııa qyzmetiniń súıemeldeýimen avtokólikter kolonnasy jolǵa shyqty. Kólikter aǵynynda 320-dan astam avtomashına baıqalady.
«Elimizdiń basym bóliginde kún qubylmaly – soltústik óńirlerde qarly, jeldi aýa raıy jáne aıaz boljanady, ońtústik óńirlerde jańbyr aralas qar kútiledi. Qurmetti júrgizýshiler! Qaýipsizdik maqsatynda jol júrý erejelerin qatań saqtap, alys jolǵa shyǵar aldynda aýa raıyn eskerýlerińizdi suraımyz», - deıdi D. Qamzanova.
Eske sala keteıik, barlyq shuǵyl aqparat Sapar mobıldi qosymshasynda jarııalanǵan. Sonymen qatar, 1403 nómiri boıynsha koll-ortalyq táýlik boıy jumys isteıdi.
Osylaısha, sońǵy derekter boıynsha Jambyl oblysynda 3 ýchaske jabyq.
«Almaty-Tashkent-Termez» 159-238 km, Kenen aýyly – Qaınar aýyly (qozǵalys eski Qordaı asýy arqyly iske asyrylady) – 79 km.
«Merki-Býrylbaıtal» 161-273 km, Birlik aýyly - Býrylbaıtal aýyly -112 km. Shekteý avtokóliktiń barlyq túrine qoldanylady.
«Almaty-Tashkent-Termez» 534-593 km, Aısha Bıbi aýyly – Túrkistan oblysy shekarasy – 59 km.
Shekteý júk kólikteri úshin engizildi (ekpindi jel, qar aralas jańbyr, tuman, shekteýli kórinis).
Soltústik Qazaqstan oblysynda 5 ýchaske jabyq.
«Kókshetaý-Kishkenekól-Bıdaıyq-RF shek.» 213-280 km, Kishkenekól aýyly – RF shekarasy – 67 km.
«Býlaevo-Vozvyshenka-Mologvardeıskoe-Kırovo-Qııaly-Roşınskoe» 62-228 km, Vozvyshenka aýyly – Roşınskoe aýyly – 166 km.
«Roşınskoe-Korneevka-Voloshınka» 0-87 km, Roşınskoe a.- Voloshınka aýyly – 87 km.
«Voloshınka-Sergeevka-Tımırıazevo» 0-119 km, Voloshınka aýyly -Tımırıazevo aýyly – 119 km.
«Tımırıazevo-Sarykól- oblys shekarasyna deıin» 0-32 km, Tımırıazevo aýyly - Qostanaı oblysynyń shekarasy – 32 km. Shekteý avtokóliktiń barlyq túrine qoldanylady (burqasyn, shekteýli kórinis).
Jetisý oblysynda 1 ýchaske jabyq – «Úsharal-Dostyq» 84-184 km, Kóktuma stantsııasy - Dostyq stantsııasy – 100 km. Shekteý avtokóliktiń barlyq túrine qoldanylady (burqasyn, shekteýli kórinis, ekpindi jel).
Qostanaı oblysynda – «Jezqazǵan-Petropavl» 252-335 km, Arqalyq qalasy - Ulytaý oblysynyń shekarasy – 83 km jol jabyq. Shekteý avtokóliktiń barlyq túrine qoldanylady.
Túrkistan oblysynda – «Almaty-Tashkent-Termez» 593-654 km, Túrkistan oblysynyń shekarasy - Jibek Joly aýyly – 61 km. Shekteý júk kólikteri úshin engizildi (Jambyl oblysynda aýa-raıynyń qolaısyzdyǵyna baılanysty).
Ulytaý oblysynda – «Jezqazǵan-Petropavl» 137-252 km, Ulytaý aýyly - Qostanaı oblysynyń shekarasy – 188 km. Shekteý avtokóliktiń barlyq túrine qoldanylady (qar, burqasyn, shekteýli kórinis).