Qazaqstannyń qaı óńirlerinde muǵalim jetispeıdi

<p>ASTANA. KAZINFORM &ndash; QR Oqý-aǵartý mınıstriligi elimizdegi pedagog tapshylyǵyna qatysty túsinik berdi.</p>

«Qazirgi kezde orta bilim berý uıymdarynda muǵalimderge qajettilik 3000-ǵa jýyq adamdy qurady. Qaraǵandy, Atyraý, Almaty, Aqmola, Qostanaı, Pavlodar, Ulytaý, Jambyl, Jetisý, Shyǵys Qazaqstan oblystary, sondaı-aq Astana jáne Almaty qalarynda pedagog tapshylyǵy bar», - delingen mınıstrliktiń Kazinform agenttigine bergen jaýabynda.

Vedomstvo málimetine qaraǵanda, bıyl JOO–lardy pedagogıkalyq mamandyqtar boıynsha támamdaǵan túlekter sany 48 886 adamdy (onyń ishinde oblys ákimderiniń granty boıynsha 1 512 túlek), al tehnıkalyq jáne kásiptik bilim berý uıymdaryn bitirgender 20 081 adamdy qurady.

«Jalpy, qalyptasqan suranysty joǵary oqý oryndar men tehnıkalyq jáne kásiptik bilim berý uıymdary túlekterin jumysqa ornalastyrý esebinen jabý josparlanǵan», - dep atalyp ótken Oqý-aǵartý mınıstriligi aqparatynda.

Aıta keteıik, bıyl tamyz aıynyń aıaǵynda Qazaqstan mektepterinde 398 854 pedagog jumys istep jatqany habarlandy. 

Buǵan deıin túlekter jıi tańdaıtyn mamandyq — muǵalim ekenin jazǵan bolatynbyz.