Qazaqstannyń qaı oblysyna týrıster kóp barmaıdy

<p>ASTANA. KAZINFORM&nbsp;&mdash; 2024 jyldyń birinshi jartyjyldyǵynda Qazaqstanda ornalastyrý oryndarynyń jalpy sany 4 167 jetti, bul 2023 jyldyń sáıkes kezeńimen salystyrǵanda 253-ke artyq.&nbsp;</p>

Atalǵan demalys oryndary 3,9 mln kelýshini qabyldady, onyń 14,2% — sheteldikter. 

Reıtıngte qabyldanǵan qonaqtar sany boıynsha Almaty kósh bastap tur.

Jergilikti qonaqúıler 1 mln týrısti qabyldady.

Ekinshi orynda — 667,2 myń meıman kelgen Astana.

252,9 myń qonaqty qarsy alǵan Shymkent úshinshi orynda.

Týrıster eń az baratyn oblys — Ulytaý, onda barlyǵy 13,6 myń kelýshi tirkelgen.

Jarty jyl ishinde kórsetilgen qyzmetter kólemi 121,3 mlrd teńgeni qurady, bul ótken jyldyń sáıkes kezeńimen salystyrǵanda 22,9% artyq. 

Óńirler bólinisinde qonaqtardy qabyldaýshy oryn sany boıynsha Almaty qalasy alǵashqy orynda — 385 oryn, odan keıin Jetisý oblysy — 361 oryn jáne Aqmola oblysy — 354 oryn.

Ornalastyrý oryndary — qonaq úıler, motelder, kempıngter, týrıstik bazalar, demalys úıleri, pansıonattar jáne kelýshilerdi ornalastyrý men olarǵa qyzmet kórsetý úshin paıdalanylatyn basqa ǵımarattar men qurylys nysandary.