Bul álemge áıgili tsıfrlyq konkýrs. Jerlesterimiz óz nomınatsııasynda top 5 komanda ishinde 2 mıllıon daýys jınap, «Sıtýatsııalyq-saraptamalyq keshen» jobasymen úzdik dep tanyldy.
Jenevada ótken WSIS+20 saltanatty rásiminde álemdegi eń iri tsıfrlyq baıqaýlardyń jeńimpazdary jarııalandy. Marapatty EHO Bas hatshysy Dorın Bogdan-Martın memleketter men halyqaralyq uıymdar ókilderi qatysyp, ózi tabystady.
Prezıdent Іs basqarmasynyń Injenerlik-tehnıkalyq ortalyǵy ázirlegen SAK jobasy — memlekettik sektordaǵy derekterdi taldaýǵa, monıtorıng júrgizýge jáne jedel basqarýǵa arnalǵan ınnovatsııalyq tsıfrlyq platforma. Bul platforma elimizdiń 20 óńirin qamtı otyryp, Qazaqstan boıynsha áleýmettik-ekonomıkalyq damýdyń túrli baǵyttary boıynsha 500-den astam kórsetkishti qamtıdy.
— Bul jeńis — elimizdiń tsıfrlyq damýynyń halyqaralyq deńgeıde moıyndalýy. Qazaqstan joǵary tehnologııalyq áleýetke ıe ekenin kórsetip, álemdik trendterdi qýyp qana qoımaı, mańyzdy tsıfrlyq sheshimderdi usynyp, olardy jahandyq deńgeıde damytýǵa úles qosa alatynyn dáleldedi, — dedi PІB ITO basshysy Dáýren Nurálıev.
Qazaqstanmen birge bul nomınatsııa boıynsha fınalǵa Ózbekstan, Rýanda, Meksıka jáne Birikken Arab Ámirlikteriniń jobalary da ótti.