Qazaqstannyń gýmanıtarlyq kómegi Aýǵanstannyń Balh provıntsııasyna jetkizildi
15:16, 21 Qazan 2023
<p>Qazaqstan Prezıdenti Qasym-Jomart Toqaevtyń tapsyrmasy aıasynda «Haıraton» temirjol stantsııasynyń aýmaǵyna (Aýǵanstan, Balh provıntsııasy) Aýǵanstannyń Gerat provıntsııasyndaǵy jer silkinisinen zardap shekkenderge Qazaqstannan jiberilgen gýmanıtarlyq kómektiń kezekti partııasy jetkizildi, dep habarlaıdy <a href="https://kaz.inform.kz/" target="_blank" rel="noopener">Kazinform. </a></p>
QR Syrtqy ister mınıstrligi baspasóz qyzmetiniń málimetinshe, Qazaqstannan Aýǵanstanǵa gýmanıtarlyq júk jalpy salmaǵy 1662 tonna bolatyn 27 vagonnan turady. Onda kúrish, un, ósimdik maıy, sút konservileri, matratstar, kórpeler, jaımalar, jastyqtar, jyly kıimder, shatyrlar, zyǵyr matalar, jastyq qaptary men kereýetter bar.
Balh provıntsııasy gýbernatorynyń orynbasary A.Idrıss aýǵan halqy atynan Qazaqstan Prezıdenti Qasym-Jomart Toqaevqa, QR Úkimeti men qazaq halqyna turaqty jáne jedel gýmanıtarlyq kómek kórsetkeni úshin alǵys bildirip, eki el halqy arasynda berik dostyq baılanys bar ekenin atap ótti.