Qazaqstannyń Frantsııadaǵy Elshiligi aýmaǵynda olımpıadashylardyń fotokórmesi ashyldy
QR Týrızm jáne sport mınıstrligi men Qazaqstan Ulttyq komıtetiniń qoldaýymen uıymdastyrylǵan kórmede boks, dzıýdo, tennıs, taekvondo, semserlesý, kúres, kórkem gımnastıka jáne velosport sııaqty elimizdiń birqatar sport túrleri sheberleriniń súretteri beınelengen.
«Otandastarymyzdy sporttyń 25 túrinen 81 medal jıyntyǵyna talasatyn sportshylarymyzǵa qoldaý kórsetýge, al Frantsııa astanasynyń turǵyndary men qonaqtaryn kórmeni tamashalaýǵa shaqyramyz», - dep jazylǵan Qazaqstannyń Frantsııadaǵy Elshiliginiń resmı saıtynda.
Aıta keteıik, osyǵan deıin atap ótkenimizdeı, keshe Parıjge sportshylarymyzdyń alǵashqy legi jetti. Sondaı-aq, búgin boksshylarymyz Parıjge attanǵanyn jazǵan bolatynbyz.
Frantsııa astanasy Parıj qalasynda ótetin XXXIII jazǵy Olımpıada oıyndary 26 shilde men 11 tamyz aralyǵynda ótedi. Oıyndarǵa álemniń 205 elinen 10 500 sportshy qatysady dep josparlanǵan. Onda 32 sport túrinen 329 medal jıyntyǵy sarapqa salynady.