Qazaqstannyń eń qart turǵyny referendýmda óz tańdaýyn jasady
Keıýana tańdaýyn úıinde jasady. Ol úshin referendým ýchaskesiniń ókilderi keıýananyń úıine arnaıy keldi.
Aıta keteıik, daýys berý kúni tizimge engizilgen referendým ýchaskesine kelýge múmkindigi joq Qazaqstan azamattary ýchaskeden tys daýys bere alady. Buǵan densaýlyq jaǵdaıy, otbasynda naýqas adamǵa kútim jasaý, referendým ýchaskeleri shalǵaı jáne jetýi qıyn jerlerde bolýy negiz bola alady. Daýys berýge arnalǵan úı-jaıdan tys jerde daýys berýdi uıymdastyrý kezinde tasymaldanatyn ýrnany komıssııanyń eki múshesi alyp júredi. Bul rette azamattyń daýys berý qupııasy mindetti túrde saqtalady.
114 jastaǵy Túımegúl Temirbaevaúa komıssııa músheleri saǵat 11:00-de keldi.
– Qazaqstannyń árbir turǵyny óziniń azamattyq boryshyn oryndaýy tıis. Jasyna qaramastan. Sondyqtan men de daýys berdim. Elimiz jarqyn bolsyn! Aspanymyz ashyq bolsyn!, - dep batasyn berdi Túımegúl Temirbaeva.
Esterińizge sala keteıik, Eńbek jáne halyqty áleýmettik qorǵaý mınıstrligi elimizdegi júzden asqan qarııalar tizimin jarııalady. Eń qart Qazaqstan turǵyny — 114 jasta. Ol Ulytaý oblysynyń Jańaarqa aýdanynda turady.