Qazaqstannyń «elektrondy úkimetin» Afrıka elderi kóshirip alyp jatyr

<p>ASTANA. KAZINFORM &ndash; Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev Senattyń jalpy otyrysynda Qazaqstannyń GovTech tehnologııasyndaǵy jetistikterin atady.</p>

«GovTech tehnologııasyndaǵy tsıfrlyq ónimderimiz halyqaralyq deńgeıge shyǵyp jatyr. 2023–2024 jyldary eksport kólemi 1,36 mlrd teńge boldy. Qazaqstannyń «elektrondyq úkimet» salasyndaǵy ozyq sheshimderin Tájikstan, Togo jáne Serra-Leone sııaqty elder paıdalana bastady», - dedi Jaslan Mádıev.

Mınıstr Qazaqstanda sátti iske asqan «elektrodyq úkimet» jobasy ózge elderge engizilgenin atap ótti.

«Biz eksporttaıtyn negizgi komponetterge Smart Data Ukimet, Smart Bridge jáne GOV.KZ quraldary kiredi. Osylaısha, Qazaqstan tsıfrlandyrý salasyndaǵy básekege qabiletti ekenin rastap, GovTech sheshimderine jańa naryq ashyp otyr», - dedi vedomstvo basshysy.

Osyǵan deıin Qazaqstannyń IT-qyzmetter eksporty qarqyndy ósip kele jatqany týraly habarladyq. 2023 jyly eksport kólemi 529 mıllıon dollarǵa jetse, 2024 jyldyń birinshi jartyjyldyǵynda 306 mıllıon dollar boldy.