Qazaqstannyń bilim dıplomdary álemniń neshe elinde jumysqa turýǵa jaramdy

<p>ASTANA. KAZINFORM &ndash; Ǵylym jáne joǵary bilim mınıstrligi Kazinform saýalyna joldaǵan jaýapta Qazaqstanda berilgen bilim dıplomdary álemniń neshe elinde jumysqa turýǵa jaramdy ekenin málim etti.</p>

«Qazaqstan Lıssabon Konventsııasyn ratıfıkatsııalady. Bul konventsııaǵa qol qoıǵan 55 el (45 eýropalyq el men Eýropa Odaǵyna kirmeıtin 10 eldiń, onyń ishinde AQSh) bir-birinin oqý nátıjelerin tanýǵa kelisti. Atalǵan qujat Qazaqstanda akkredıttelgen joǵary oqý oryndarynda bilim alǵan azamattarǵa dıplomdy nostrıfıkatsııalaýǵa (resmı teńestirýge) múmkindik beredi jáne nátıjesinde olardy oqýyn jalǵastyrýǵa nemese jumysqa ornalasýǵa paıdalanýǵa múmkindik beredi», - dep jazylǵan mınıstrlik málimetinde.

Sondaı-aq vedomstvo mamandary Qazaqstan bıýdjetiniń kómeginsiz fılıalyn ashqan sheteldik ýnıversıtetterdi atady. Olar mynalar:

1. De Montfort Qazaqstan (ınvestorlardyń qarjysy)

2. Ekonomıka Ýnıversıteti (Polsha) Shákárim ýnıversıteti bazasynda (aqyly oqý)

3. Koventrı Ýnıversıteti (ınvestorlardyń qarjysy)

4. Lý Ban sheberhanalary (Kytaı tarabynyń qarjysy)

5. Jasandy ıntellekt mektebi (Ońtústik Koreıa tarabynyń qarjysy).