Qazaqstannyń bıdaı eksporttaıtyn naryǵy tarylyp barady
«2024 jyly álemdik bıdaı naryǵynda birqatar ózgerister kútilýde. Sarapashylar Eýropa, Ońtústik Afrıka jáne Ýkraınada aýa-raıynyń qolaısyzdyǵy sebebinen bıdaı óndirisi tómendeıdi dep boljaıdy. Sonymen qatar, Reseıdiń bıdaı boıynsha eksporttyq áleýeti 2024-2025 jyldary 53 mln tonna kóleminde bolady. Bul ótken maýsymmen salystyrǵanda 10,1 paıyzǵa az. Qazaqstannyń qańtar-tamyz aılaryndaǵy bıdaı eksporty 3,13 mln tonna qurady. Bul ótken jylǵy kórsetkishten 39,2 paıyzǵa tómendegen», - dedi ol.
Onyń atap ótýinshe, astyq eksportynyń tómendeý sebebi ótken jylǵy ónimniń azdyǵy jáne dástúrli eksporttyq naryqtarda básekelestiktiń kúsheıýi bolyp tur.
«Sondaı-aq biz bıdaı eksporttyq naryqtarynyń geografııasynyń tarylýyn baıqap otyrmyz. Negizgi eksporttyq naryqtar - Italııa, Túrkmenstan jáne Aýǵanstan, Reseı Qazaqstannyń bıdaıyn tutynýdy birneshe esege azaıtty. Bul eksporttyq baǵalardyń dempıngimen baılanysty. Ol Qazaqstan bıdaıynyń Ortalyq Azııadaǵy negizgi eksporttyq naryqtarǵa aýysýyna sebep», - dedi vıtse-mınıstr.