Erteń Qazaqstannyń barlyq derlik óńirinde kún buzylady

<p>Qazgıdromet sınoptıkteri kúnniń sýytýyna baılanysty elimizdiń birqatar óńirinde eskertý jarııalady, dep habarlaıdy <a href="https://kaz.inform.kz/" target="_blank" rel="noopener">Kazinform</a>.&nbsp;</p>

7 jeltoqsan túnde jáne tańerteń Qyzylorda oblysynyń soltústiginde tuman túsedi. Soltústik-shyǵystan jel soǵady, kúndiz oblystyń ortalyǵynda jeldiń kúshi — 15-20 m/s. 

Túnde Qaraǵandy oblysynyń batysynda, soltústiginde jaıaý burqasyn soǵady. Oblystyń soltústiginde, batysynda kóktaıǵaq bolady. Soltústik-batystan jel soǵady, túnde oblystyń soltústiginde ekpin — 15-20 m/s kútiledi.  

Almaty oblysynyń ońtústiginde keı ýaqytta tuman túsedi. Soltústik-batystan jel soǵady, kúndiz oblystyń soltústiginde, ońtústiginde ekpini — 15-20 m/s. Kúndiz aýa temperatýrasy 11-16, oblystyń taýly aýdandarynda 2-7 jylydan 3 gradýs aıazǵa deıin, oblystyń soltústiginde, taýly aýdandarynda 6-11 gradýs aıazǵa deıin kúrt tómendeıdi.

Almaty qalasynda kúndiz aýa temperatýrasy 14-16 gradýs jylydan 1 gradýs aıaz — 1 gradýs jylyǵa deıin kúrt sýytady.  

Túnde jáne tańerteń Aqmola oblysynyń ońtústik-shyǵysynda — kóktaıǵaq, jaıaý burqasyn. Soltústik-batystan jel soǵady, túnde oblystyń ońtústik-shyǵysynda ekpini 15-20 m/s jetedi.

Túrkistan oblysynyń batysynda, ońtústiginde, taýly aýdandarynda tuman bolady. Soltústik-shyǵystan, shyǵystan jel soǵady, kúndiz oblystyń taýly aýdandarynda jeldiń kúshi — 15-20 m/s.

Shymkentte túnde jáne tańerteń tuman túsedi.  

Qostanaı oblysynyń soltústiginde kún tumandy. Túnde oblystyń shyǵysynda, ońtústiginde jaıaý burqasyn soǵady. 

Túnde Aqtóbe oblysynyń soltústiginde tuman túsedi.

Túnde Shyǵys Qazaqstan oblysynyń soltústiginde, shyǵysynda keı ýaqytta qatty qar jaýady. Oblystyń soltústiginde, shyǵysynda, ońtústiginde — jaıaý burqasyn, kóktaıǵaq.

Túnde Pavlodar oblysynyń batysynda, shyǵysynda, ortalyǵynda soltústik-batystan jel soǵady, túnde ekpini — 15-20 m/s.  

Kúndiz Mańǵystaý oblysynyń soltústik-shyǵysynda, ońtústiginde — jaıaý burqasyn, kóktaıǵaq. Shyǵystan jel soǵady, oblystyń batysynda, soltústik-shyǵysynda, ońtústiginde ekpini 15-20 m/s deıin kúsheıedi.  

Abaı oblysynyń soltústiginde, shyǵysynda, ortalyǵynda — jaıaý burqasyn, kóktaıǵaq. Soltústik-batystan soǵatyn jel soltústik-shyǵysqa aýysady, oblystyń soltústiginde, shyǵysynda, ortalyǵynda — 15-20, túnde — 25 m/s.  

Jetisý oblysynyń soltústik-shyǵysynda, taýly aýdandarynda soltústik-shyǵystan jel soǵady, kúshi — 23-28 m/s deıin. Jetisý oblysynyń Alakól kólderi aýdanynda soltústik-shyǵystan soqqan jeldiń qarqyny 30 m/s asady. 

8 jeltoqsanda Jambyl oblysynyń taýly aýdandarynda, 9 jeltoqsan túnde oblystyń ońtústiginde, taýly aýdandarynda qatty qar jaýyp, burqasyn kóteriledi. 7-9 jeltoqsanda oblystyń ońtústiginde, taýly aýdandarynda tuman túsedi. Túnde jáne tańerteń taýly aýdandarda, 8-9 jeltoqsanda táýlik boıy óńirdiń ońtústiginde, taýly aýdandarynda kóktaıǵaq bolady. 7-9 jeltoqsanda soltústik-shyǵystan jel soǵady, oblystyń ońtústik-batysynda, soltústik-shyǵysynda, taýly aýdandarynda jel ekpini — 15-20 m/s. 

Túnde Soltústik Qazaqstan oblysynyń soltústiginde, shyǵysynda — jaıaý burqasyn. Soltústik-batystan jel soǵady, túnde oblystyń soltústiginde, shyǵysynda jel jyldamdyǵy 15-20 m/s jetedi.