Qazaqstannyń barlyq derlik aımaǵynda aýa raıyna baılanysty eskertý jarııalandy

<p>ASTANA. KAZINFORM - Qazaqstannyń 15 oblysy men Astanada kún raıyna baılanysty eskertý jarııalandy, dep habarlaıdy &laquo;Qazgıdromet&raquo; RMK.</p>

Mańǵystaý oblysynyń basym bóliginde tótenshe órt qaýpi, al soltústik-shyǵysta jáne oblys ortalyǵynda joǵary órt qaýpi saqtalady. Aqtaýda asa joǵary órt qaýpi bar.

Qaraǵandy ​​oblysynyń soltústigi men shyǵysynda naızaǵaı jarqyldaıdy. Oblystyń ońtústiginde, batysynda jáne shyǵysynda joǵary órt qaýpi saqtalady. Qaraǵandyda kúndiz naızaǵaı oınaıdy.

Aqmola oblysynyń batysynda, soltústiginde jáne shyǵysynda naızaǵaı jarqyldaıdy. Kókshetaýda keı jerlerde naızaǵaı oınaıdy.

Kúndiz Ulytaý oblysynyń soltústigi men shyǵysynda - naızaǵaı. Oblystyń basym bóliginde joǵary órt qaýpi saqtalady, al ońtústik bóliginde óte joǵary órt qaýpi saqtalady. Jezqazǵan qalasynda joǵary órt qaýpi saqtalady.

Atyraý oblysynyń basym bóliginde óte joǵary órt qaýpi saqtalady, oblys ortalyǵynda jáne ońtústik-shyǵysynda joǵary órt qaýpi bar. Atyraýda asa joǵary órt qaýpi saqtalady.

Astanada keı jerlerde naızaǵaı oınaıdy.

Qostanaı oblysynyń soltústiginde, shyǵysynda jáne ońtústiginde naızaǵaı jarqyldaıdy, túnde jáne tańerteń oblystyń batysy men ońtústiginde tuman túsedi. Kúndiz oblystyń soltústiginde, shyǵysynda, ońtústiginde soltústik-batystan jel soǵady, ekpini 15-20 m/s.

Túnde batysta, soltústikte, kúndiz Soltústik Qazaqstan oblysynyń soltústiginde, ońtústiginde, shyǵysynda naızaǵaı kútiledi. Petropavlda naızaǵaı oınaıdy.

Pavlodar oblysynyń ońtústiginde, shyǵysynda túnde, kúndiz batysynda jáne soltústiginde naızaǵaı oınaıdy. Oblystyń ońtústiginde batystan soǵatyn jel jyldamdyǵy 15-20 m/s deıin jetedi.

Pavlodarda 30 tamyzda kúndiz naızaǵaı jarqyldaıdy.

Abaı oblysynyń batysynda jáne soltústiginde kúndiz naızaǵaı oınaıdy. Ońtústik-batystan soǵatyn jel baǵyty soltústik-batysqa aýysady, kúndiz oblystyń batysynda, soltústiginde, ońtústiginde ekpini 15-20 m/s deıin jetedi. Oblysta joǵary órt qaýpi saqtalady, oblystyń batysynda, soltústik-batysynda, ońtústiginde jáne ortalyǵynda órt qaýpi óte joǵary.

Kúndiz Shyǵys Qazaqstan oblysynyń soltústigi men shyǵysynda naızaǵaı jarqyldaıdy. Ońtústik-batystan, batystan soǵatyn jel ekpini kúndiz oblystyń soltústiginde, shyǵysynda, ońtústiginde 15-20 m/s bolady. Oblystyń batysynda joǵary órt qaýpi, ońtústik bóliginde óte joǵary órt qaýpi saqtalady.

Batys Qazaqstan oblysynyń batysynda, ońtústiginde, shyǵysynda, oblys ortalyǵynda óte joǵary órt qaýpi saqtalady.

Qyzylorda oblysynyń basym bóliginde tótenshe órt qaýpi saqtalady, soltústik-batysy men oblys ortalyǵynda óte joǵary órt qaýpi saqtalady. Qyzylorda qalasynda joǵary órt qaýpi bar.

Almaty oblysynyń ońtústigi men taýly aımaqtarynyń keı jerlerinde naızaǵaı oınap, burshaq jaýýy múmkin. Jel baǵyty soltústik-batystan soltústik-shyǵysqa aýysady, túnde ońtústikte, oblystyń taýly aýdandarynda ekpini 18-23 m/s. Oblystyń batysynda, soltústiginde jáne ortalyǵynda joǵary órt qaýpi saqtalady. Konaevta soltústik-batystan jel soǵady, túnde baǵyty soltústik-shyǵysqa aýysady, ekpini 18 m/s.

30-31 tamyzda Túrkistan oblysynyń basym bóliginde tótenshe (5-synyp) órt qaýpi saqtalady. Shymkentte tótenshe (5-synyp) órt qaýpi saqtalady. Túrkistan qalasynda 30-31 tamyzda óte joǵary (5-synyp) órt qaýpi saqtalady.

30-31 tamyzda Jetisý oblysynyń soltústik jartysynda joǵary órt qaýpi saqtalady. Taldyqorǵanda joǵary órt qaýpi saqtalady.