Qazaqstannyń Ázerbaıjandaǵy elshiliginde saılaý ýchaskesi quryldy

<p>ASTANA. KAZINFORM &ndash; Atom elektr stansasyn (AES) salý jónindegi respýblıkalyq referendým qarsańynda Qazaqstannyń Bakýdegi Elshiliginde saılaý ýchaskesi quryldy.</p>

Ázerbaıjandaǵy Qazaqstan azamattary referendým kúni jergilikti ýaqyt boıynsha saǵat 07:00-den 20:00-ge deıin Qazaqstan Respýblıkasynyń Bakýdegi Elshiliginiń janyndaǵy №394 saılaý ýchaskesine kelip, óz saılaý quqyqtaryn paıdalana alady.

Sheteldik mekeme málimetinshe, búginde bul ýchaskedegi saılaýshylar tiziminde Ázerbaıjanda turaqty turatyn nemese ýaqytsha júrgen 180-ge jýyq Qazaqstan Respýblıkasynyń azamaty bar.

Referendým ótetin kúni daýys berýshiniń jaramdy tólqujaty nemese Qazaqstan Respýblıkasy azamatynyń jeke kýáligi bolýy kerek.

Qosymsha suraqtar úshin [phone] telefony arqyly habarlasýǵa bolady.

Qosymsha aqparatty Qazaqstan Respýblıkasy Ortalyq saılaý komıssııasynyń www.election.gov.kz saıtynan alýǵa bolady.

№ 394 saılaý ýchaskesiniń mekenjaıy: Baký q., N.Rafıev kóshesi, 14.

Aıta keteıik, Qazaqstan Respýblıkasy Prezıdentiniń 2024 jylǵy 2 qyrkúıektegi №636 Jarlyǵyna sáıkes 6 qazanda Qazaqstanda atom elektr stantsııasyn salý týraly respýblıkalyq referendým ótedi.