Qazaqstannyń áýe kóligi arqyly shetelge shyǵyp jatqan reseılikter sany artty – Marat Qarabaev

<p>ASTANA. KAZINFORM &ndash; Bıyl elimizge 10 jańa ushaq jetkizildi.</p>

Bul týraly Kólik mınıstri Marat Qarabaev málim etti.

- Tranzıttik jolaýshylar aǵynyn arttyrý maqsatynda reseılik avıatsııa naryǵyn ıgerý múmkindikteri bar. Ol úshin magıstraldyq Dreamliner ushaqtary satyp alynyp jatyr, - dedi M.Qarabaev Parlament Májilisinde kólik-logıstıkalyq áleýetin damytý taqyrybyna arnalǵan Úkimet saǵatynda.

Osydan keıin mınıstr tilshiler suraǵyna jaýap berý kezinde Qazaqstannyń áýe kompanııalary Reseı aýmaǵyna baryp, qyzmet etpeıtinin aıtty.

- Ol jaqqa baryp, sol eldiń naryǵynda ushady degen másele joq. Qazir Reseıden kóp jolaýshy Qazaqstanǵa kelip, bizdiń el arqyly Eýropaǵa saparlap jatyr. Atap aıtqanda, kórshi elden kelgen jolaýshylar Astana arqyly shetelge shyǵyp otyr. Taǵy da «Ekaterınbýrg-Taraz» baǵdary bar. Bul rette Phýketke (Taıland), Vetnamǵa ushatyn reıster tanymal. Osy arqyly reseılik naryq ıgerilip jatyr, - dedi Marat Qarabaev.

Sonymen qatar bıyl elimizge 10 jańa ushaq jetkizilgenin atap ótti.

- Olardyń Air Astana men SCAT satyp aldy. Tıisti qujattarǵa qol qoıyldy, sondyqtan taǵy da 23 ushaqqa jetkiziledi. Bul turǵyda 2025-2026 jyldary Air Astana men SCAT osy ushaqtardy paıdalanýǵa alady, - dep túsindirdi mınıstr.

Buǵan deıin habarlanǵandaı, YDA, Turkish Technic jáne ASFAT kompanııalary birlesip, Aqtaý áýejaıy aýmaǵynda ushaqtarǵa tehnıkalyq qyzmet kórsetý jáne oqý ortalyqtaryn salýdy josparlap otyr.

Osy oraıda ortalyqta Azııa elderi men Reseı ushaqtary jóndeledi.