Qazaqstannyń arıtmolog mamandary Eýropanyń úzdik klınıkalarynda biliktiligin arttyrady

<p>QR Prezıdenti is basqarmasynyń Medıtsınalyq ortalyǵy aýrýhanasynda &laquo;Júrek arıtmııasyn emdeý jáne kardıologterge arnalǵan júrek elektrofızıologııasy&raquo; dástúrli halyqaralyq konferentsııasy ótip jatyr, dep habarlaıdy <a href="https://kaz.inform.kz/" target="_blank" rel="noopener">Kazinform</a> tilshisi.</p>

Alǵash ret Qazaqstanǵa Eýropalyq júrek yrǵaǵy qaýymdastyǵynyń (EHRA) prezıdenti Hose Merıno arnaıy kelip otyr. Odan bólek, Italııa, Germanııa, Qytaı, Reseı, Túrkııa, Ázerbaıjan, Grýzııa elderinen 35 arıtmolog maman kelgen. Olar 50-den astam otandyq dárigerlerge dáris oqyp, sheberlik saǵattaryn ótkizedi.

Eki kúnge sozylatyn jıynda arıtmologııadaǵy skrınıng, erte dıagnostıka, profılaktıka, arıtmııaǵa qarsy preparattarmen emdeý máseleleri, zamanaýı arıtmologııalyq hırýrgııany damytý, kúrdeli navıgatsııalyq jabdyqty paıdalaný máseleleri qaralady.

«Qazaqstan arıtmologtar qoǵamy 2014 jyly qurylǵan, sodan beri jyl saıyn jas arıtmologtar men kardıologtarǵa osyndaı shara uıymdastyramyz. 2019 jyly bizdiń qoǵam Eýropa júrek yrǵaǵy qaýymdastyǵyna qosyldy. ıAǵnı qazaqstandyq arıtmologtar uıymynyń árbir múshesi Eýropalyq uıymnyń da múshesi bolyp sanalady. Bul jas mamandarǵa úlken múmkindik beredi, olar eýropalyq arıtmologtarmen birge konkýrstarǵa qatysa alady, Eýropanyń myqty klınıkasynda biliktiligin arttyra alady. Munyń bárine Eýropa júrek yrǵaǵy qaýymdastyǵynyń qoldaýymen qol jetkizdik», - dedi Qazaqstan arıtmologter qoǵamynyń prezıdenti, QR PІB MO aýrýhanasynnyń bas arıtmolog-dárigeri Aıan Ábdirahmanov.

2014 jyly Qazaqstan arıtmologter qoǵamynda 35 dáriger bolsa, qazir olardyń sany 76-ǵa jetken. ıAǵnı kardıologııa salasyndaǵy arıtmolog dárigerler sany artyp keledi.

Foto: Kazinform

 

«Arıtmologııany jańa mamandyq deýge bolady, ol ótken ǵasyrdyń 80-jyldary ǵana paıda bolǵan. Bul mamandyq kardıologııa, kardıohırýrgııa, ınjenerııa jáne rentgenologııa baǵyttaryn biriktiredi jáne kenetten júrek aýrýynan qaıtys bolýdyń aldyn alady. Kóbinese biz ota jasaǵanda tamyr arqyly kirip, júrektiń ishine ota jasaımyz. Adamnyń kenetten júrek aýrýynan qaıtys bolmaýy úshin túrli ota jasaımyz, júrektiń yrǵaynyń buzýylýyn zertteımiz. Erteń arıtmologtar qoǵamynyń jyl boıy istegen jumysyn qorytyndylaımyz jáne ózekti máselelerdi talqylaımyz. Qazaqstandyq arıtmologter men dúnıejúzi ǵalymdarynyń yntymaqtastyǵy ondaǵan jyldarǵa jalǵasyp keledi», - deıdi Aıan Ábidrahmanov.

Konferentsııa aıasynda QR Prezıdenti Іs Basqarmasynyń aýrýhanasyna 5 elektrondy kardıostımýlıator ornatyldy. Bul kardıostımýlıatorlar arıtmologııa salasyndaǵy ozyq tehnologııany bildiredi jáne asqyný qaýpin 50% azaıtady.

Foto: Adlet Beremkýlov/Kazinform