Qazaqstannyń altyn qory: oǵan kim jaýapty

<p>Qazaqstanda qarjy naryǵyn, ekonomıkany turaqtandyrýshy rólin oınaıtyn memlekettik altyn qory bar. Oǵan Ulttyq Bank jaýapty. Bizde qazir 19,76 mıllıard dollarǵa baǵalanatyn altyn saqtaýly. Ol altyn-valıýta rezerviniń ishine kiredi. Iıa, bul altyndar bizde fızıkalyq pishinde, ıaǵnı metal túrinde arnaıy qoımalarda saqtalady. Qazaqstan bul altyndardy kóbine syrttan satyp almaıdy. 1994 jyldan beri jumys isteıtin ereje boıynsha, elimizde altyn óndiretin kompanııalar óz altynyn Ulttyq Bank talap etse, aldymen Ulttyq Bankke satýy tıis. Sol sebepti, qoımada jatqan altynnyń barlyǵy derlik &ndash; óz jerimizde óndirilgen baǵaly metal.</p>

Aıtpaqshy, altynnyń da mınýstary bolady. Máselen, altyn saqtaýshy ról atqaryp, ósimge qyzmet etpeıdi. Demek, altyn saqtaý – óz aqshańdy esh kóbeıtpeı, tek sol kúıi ustap otyrý degendi bildiredi. Qazaqstan uzaq jyldar boıy osy jolmen júrip keldi. Biraq sońǵy 2 jylda biz óz strategııamyzdy ózgerte bastadyq, ıaǵnı Ulttyq Bank rezervindegi jáne Ulttyq Qordaǵy altynnyń úlesin azaıtyp, ósimdi kóbirek beretin qundy qaǵazdar úlesin arttyrýdy kózdep otyrmyz. Sonda biz óz jınaǵymyzdy tıimdi paıdalanatyn bolamyz.

Osy ustanymǵa saı, Ulttyq Bank 2022 jyly syrtqy naryqqa 120 tonna altyn satyp, odan 7 mıllıard dollar aldy. Osynyń arqasynda altynnyń rezevterdegi úlesi 58 paıyzǵa deıin tómendegen edi. Bıyl Ulttyq Bank jyldyń birinshi jartysynda taǵy 67 tonna altyn satty da, osy úlesti 50 paıyzǵa deıin túsirýdi josparlap otyr. Sondyqtan syrtqy naryqtarda altyn satýyn jalǵastyra beredi.

Búginde Qazaqstanda qansha altyn bar?

Elimizde qazir 310 tonna memlekettik altyn bar. Onyń kólemi boıynsha biz álemdegi alǵashqy 20 memlekettiń tizimine ǵana kiremiz. Birinshi oryn AQSh-qa tıesili. Sondaı-aq, Germanııa, Italııa men Frantsııanyń ortalyq bankteri eń kóp altyn ustap otyrǵan memleketter tizimine kiredi.