Qazaqstannyń álemdegi eń myqty tólqujattar reıtıngisindegi orny joǵarylady

<p>Qazaqstan tólqujaty Henley Passport Index 2024 reıtıngisinde tórt pozıtsııaǵa kóterilip, 66-orynǵa ıe boldy. Bul týraly <a href="https://www.henleyglobal.com/passport-index/ranking" target="_blank" rel="noopener">henleyglobal.com</a>&nbsp; habarlady.</p>

Ótken 2023 jyly Qazaqstan Henley Passport Index reıtınginde 70-shi oryndy ıelendi.

Halyqaralyq áýe kóligi qaýymdastyǵynyń (IATA) derekteri negizinde jasalǵan reıtıngke sáıkes, Qazaqstan azamattary 78 baǵyt boıynsha vızasyz rejımdi paıdalana alady.

Qazaqstan reıtıngte Indonezııa jáne Esvatınımen birge 66-orynda tur.

Bıylǵy Henley Passport Index reıtınginde Qazaqstan Ázerbaıjandy basyp ozyp, 66-orynǵa turaqtady. Ázerbaıjandyqtar 72 elge vızasyz bara alady.

Qazaqstan Ortalyq Azııa aımaǵyndaǵy birqatar kórshiles elden de asyp tústi: Qyrǵyzstan – 77, Ózbekstan – 80, Tájikstan – 81 jáne Túrikmenstan – 89 oryn aldy.

19 jylda alǵash ret alty memleket – Frantsııa, Germanııa, Italııa, Japonııa, Sıngapýr jáne Ispanııa bıylǵy jyldyń eń myqty tólqujattary reıtıngisinde kósh bastady. Bul elderdiń azamattary álemniń 194 memleketine vızasyz bara alady.

Reıtıngte ekinshi orynda azamattary 193 elge ońaı qatynaı alatyn Fınlıandııa, Ońtústik Koreıa jáne Shvetsııa tur.

Eýropa elderi, sonyń ishinde Aýstrııa, Danııa, Irlandııa jáne Nıderlandy 192 baǵytpen úshinshi orynda tur.

Tórtinshi orynda Belgııa, Lıýksembýrg, Norvegııa, Portýgalııa jáne Ulybrıtanııa, besinshi orynda Gretsııa, Malta jáne Shveıtsarııa tur.