Qazaqstannyń aqparattyq qaýipsizdigin qamtamasyz etetin ulttyq ınstıtýt ózgeredi

<p>ASTANA. KAZINFORM &ndash; Tsıfrlyq damý, ınnovatsııalar jáne aeroǵarysh ónerkásibi mınıstrligi Qazaqstannyń aqparattyq qaýipsizdigin qamtamasyz etý fýnktsııasyn basqa uıymǵa bermekshi.</p>

«QR Tsıfrlyq damý, ınnovatsııalar jáne aeroǵarysh ónerkásibi mınıstrliginiń «Tsıfrlyq úkimeti qoldaý ortalyǵy» sharýashylyq júrgizý quqyǵyndaǵy respýblıkalyq memlekettik kásiporny aqparattyq qaýipsizdikti qamtamasyz etý salasyndaǵy ulttyq damý ınstıtýty bolyp belgilensin», - dep jazylǵan Úkimet qaýlysynyń jobasynda.

Aıta ketý kerek, bul fýnktsııany qazir Ǵylym jáne joǵary bilim mınıstrliginiń «Aqparattyq jáne esepteý tehnologııalary ınstıtýty» RMK atqaryp otyr.

«2018 jyldan bastap Tsıfrlyq damý, ınnovatsııalar jáne aeroǵarysh ónerkásibi mınıstrligi ınstıtýt júrgizip jatqan jumys týraly habardar etilmegen, ınstıtýtty jedel basqarý, jumystyń basym baǵyttary men mindetti kólemin aıqyndaý múmkindigi joq. Bul jaǵdaı aqparattyq qaýipsizdik salasyndaǵy memlekettik saıasatty iske asyrýǵa, ony damytýǵa jáne júktelgen fýnktsııalardy tıimdi oryndaýǵa teris áser etedi», - dep jazylǵan qaýly jobasyndaǵy negizdemede.

Aıta ketý kerek, TsDIAÓM aldynda aqparattyq qaýipsizdikti qamtamasyz etý, onyń ishinde baılanys jelilerindegi qaýipsizdikti kúsheıtý, qorǵalǵan mobıldi jelini qurý jáne t. b. boıynsha birqatar mindet tur.

Mınıstrliktegiler bul ózgeris saladaǵy ózara is-qımyl men jumystyń nátıjeliligin arttyryp, aqparattyq qaýipsizdikti damytý máselelerindegi tásilderdi dáıekti ete túsedi.

«Mundaı fýnktsııalardy TsDIAÓM-ge baǵynysty uıymǵa berý aqparattyq-kommýnıkatsııalyq tehnologııalardyń aralas salasynyń tabysty jáne sınergetıkalyq damýymen negizdeledi», - delingen qujatta.

Qaýly jobasy 18 qarashaǵa deıin ashyq talqylaýda bolady.

Buǵan deıin Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev Qazaqstan nege +7 kodyn Reseı Federatsııasymen qosaqtasyp qoldanýdan áli kúnge bas tartpaı kele jatqanyn aıtqan edi.