Qazaqstannyń 50 mektebinde býllıngke qarsy naýqan ótedi

<p>ASTANA. KAZINFORM &ndash; Qazaqstannyń 8 óńirinde mekteptegi oń qarym-qatynastardy qalyptastyrý úshin &laquo;DosbolLike&raquo; naýqany ótkiziledi. Bul týraly QR Oqý-aǵartý mınıstrligi Balalardyń quqyqtaryn qorǵaý komıtetiniń tóraǵasy Nasymjan Ospanova aıtyp berdi.</p>

Spıker bilim berý uıymyndaǵy qaýipsiz orta tek tehnıkalyq quraldarmen ǵana shektelmeıtinin, balanyń emotsıonaldyq ál-aýqatyn da qamtıtynyn atap ótti.

«Dostyq, qamqorlyq jáne ózara syılastyq daǵdylary arqyly mektepte oń qarym-qatynastardy qalyptastyrý úshin «DosbolLike» naýqany ótkiziledi. Onyń jalǵasy elimizdiń 8 óńiriniń 50 mektebinde «DosbolLike» býllıngke qarsy baǵdarlamasyn pılottaý bolmaq. Atalǵan baǵdarlama bilim alýshylardyń janjaldarǵa syndarly áreket etý daǵdylaryn qalyptastyrýǵa, balalardyń áleýmettik-emotsıonaldyq daǵdylaryn damytýǵa, tulǵaaralyq jáne toparalyq qatynastardy ońtaılandyrýǵa, balalardyń sýbektıvti ál-aýqaty deńgeıin arttyrýǵa baǵyttalǵan», - dedi N. Ospanova Ortalyq kommýnıkatsııalar qyzmetinde ótken baspasóz máslıhatynda.

Baǵdarlama bıylǵy naýryz aıynda pılottyq rejımde bastalady, sodan keıin búkil el aýmaǵyna keńeıtý josparlanýda.

Sondaı-aq, Prezıdent tapsyrmalary aıasynda Oqý-aǵartý jáne Ǵylym jáne joǵary bilim mınıstrlikteri «Meniń baýyrym» volonterlik jobasyn bastady. Bul jobada balalar durys qarym-qatynas ornatýdy, ártúrli jaǵdaılardy sheshý úshin dostyq tilin tabysýdy úırenedi.