Qazaqstannyń 15 óńirinde aýa raıyna baılanysty eskertý jarııalandy

<p>ASTANA. KAZINFORM &ndash; Qazgıdromet RMK erteń elimizdiń 15 óńirinde daýyldy eskertý jarııalady.&nbsp;</p>

17 qyrkúıek kúni túnde Astanada topyraq betinde 1 gradýs úsik júrýi múmkin.

Ulytaý oblysynda soltústik-shyǵystan, soltústikte, ońtústikte shyǵystan jel soǵady, oblys ortalyǵynda ekpini 15-20 m/s jetedi. Oblystyń basym bóliginde joǵary órt qaýpi saqtalady, oblystyń soltústigi men ońtústiginde de joǵary órt qaýpi saqtalady.

Qaraǵandy oblysynda soltústik-shyǵystan jel soǵady, batysta, shyǵysta jáne oblys ortalyǵynda ekpini 15-20, oblystyń ońtústiginde 23 m/s kúsheıedi. Túnde oblystyń shyǵysynda 2 gradýs úsik bolady dep boljandy. Batysta, oblys ortalyǵynda, oblystyń shyǵysynda joǵary órt qaýpi saqtalady.

Batys Qazaqstan oblysynda soltústik-shyǵystan jel soǵady, kúndiz oblystyń ońtústigi men shyǵysynda shyǵystan soǵady, ekpini 15-20 m/s jetedi. Oblystyń soltústiginde jáne soltústik-shyǵysynda joǵary órt qaýpi saqtalady.

Kúndiz Qyzylorda oblysynyń shyǵysynda, batysynda jáne ortalyǵynda naızaǵaı oınaıdy. Kúndiz oblys ortalyǵynda shańdy daýyl turady. Soltústik-shyǵystan soǵatyn jel túnde ortalyqta, oblystyń shyǵysynda 15-20 m/s, kúndiz oblystyń basym bóliginde 15-20, oblys ortalyǵynda 25 m/s. Oblystyń basym bóliginde, soltústik-shyǵysynda jáne soltústik-batysynda joǵary órt qaýpi saqtalady.

Abaı oblysynda jel soltústikten, túnde oblystyń ońtústiginde soltústik-shyǵystan soǵady, kúndiz oblystyń basym bóliginde 15-20, ekpini 23-28 m/s jetedi. Túnde shyǵysta, oblys ortalyǵynda 3 gradýs úsik bolady. Oblystyń ońtústiginde joǵary órt qaýpi saqtalady.

Shyǵys Qazaqstan oblysynyń soltústiginde jáne shyǵysynda jaýyn-shashyn (jańbyr, qar), túnde jáne tańerteń tuman túsedi. Batystan soǵatyn jel, túnde oblystyń soltústik-batysynda soltústik-batystan soǵady, kúndiz oblystyń basym bóliginde 15-20, ekpini 25 m/s. Túnde oblystyń soltústigi men shyǵysynda 4 gradýs úsik bolýy múmkin. Batysta, ońtústikte jáne oblys ortalyǵynda joǵary órt qaýpi saqtalady.

Atyraý oblysynda shyǵystan, kúndiz oblystyń batysynda jáne ońtústiginde soltústik-shyǵystan soǵatyn jeldiń ekpini 15-20 m/s jetedi. Aımaqtyń basym bóliginde asa joǵary órt qaýpi saqtalady.

Aqmola oblysynyń soltústigi men shyǵysynda túnde jáne tańerteń tuman túsedi. Soltústik-shyǵystan, tańerteń jáne kúndiz oblystyń batysynda, ońtústiginde, shyǵysynda shyǵystan jel soǵady, ekpini 15-20 m/s. Túnde oblystyń soltústigi men shyǵysynda 3 gradýs úsik bolady.

Kúndiz Túrkistan oblysynyń ońtústiginde, batysynda, taýly jáne taý bókterindegi aımaqtarda naızaǵaı oınaıdy, oblystyń soltústiginde shańdy daýyl soǵady. Ońtústik-batystan soǵatyn jel soltústikte, batysta, oblystyń taýly jáne taý bókterindegi aýdandarynda 15-20 m/s. Aımaqtyń basym bóliginde tótenshe (5-synyp) órt qaýpi saqtalady.

Soltústik Qazaqstan oblysynyń batysynda, soltústiginde, shyǵysynda túnde jáne tańerteń tuman kútiledi. Túnde oblystyń soltústigi men shyǵysynda 3 gradýs úskirik bolýy múmkin. Petropavlda 17 qyrkúıek kúni túnde jáne tańerteń tuman túsedi, 3 gradýsqa deıingi úsik júredi.

Qostanaı oblysynyń batysynda jáne soltústiginde túnde jáne tańerteń tuman túedi. Soltústik-shyǵystan, shyǵystan soǵatyn jel oblystyń ońtústiginde ekpini 15-20 m/s. Túnde oblystyń shyǵysynda 2 gradýs úsik júredi. Oblystyń ońtústiginde joǵary órt qaýpi saqtalady.

Mańǵystaý oblysynda soltústik-shyǵystan jel soǵady, oblystyń soltústik-batysynda ekpini 15-20 m/s bolady. Óńirde asa joǵary órt qaýpi saqtalady. Aqtaýda 17 qyrkúıek kúni joǵary órt qaýpi saqtalady.

17-18 qyrkúıek kúnderi Pavlodar oblysynyń soltústigi men shyǵysynda túnde 3 gradýs úsik júrýi múmkin.

Kúndiz ońtústikte, Almaty oblysynyń taýly aımaqtarynda naızaǵaı oınaıdy. Soltústik-batystan soǵatyn jel ońtústikte soltústik-shyǵysqa aýysady, taýly aýdandarda ekpini 18-23, keı ýaqytta 28 m/s. Oblystyń soltústigi men batysynda joǵary órt qaýpi saqtalady.