Qazaqstannyń 15 oblysynda daýyldy eskertý jarııalandy

<p>ASTANA. KAZINFORM &ndash; Seısenbi, 7 qańtarda jańbyr men qar túrindegi jaýyn-shashyn, kóktaıǵaq pen tuman kútiledi, dep habarlaıdy Qazgıdromet.</p>

Astanada keı jerlerde qar jaýyp, kóktaıǵaq bolady.

Abaı oblysynyń shyǵysynda jáne ońtústiginde tuman túsedi. Kúndiz oblys ortalyǵynda qarly boran soǵady. Jel ońtústik-shyǵystan soǵady, kúndiz oblys ortalyǵynda ekpini 15-20 m/s jetedi.
Kúndiz Aqmola oblysynyń batysynda, soltústiginde jáne ońtústiginde qalyń qar jaýady. Boran soǵyp, kóktaıǵaq bolady. Oblystyń soltústigi men shyǵysynda tuman túsedi. Ońtústik-shyǵystan jel soǵady, tańerteń jáne kúndiz batystan soltústik-shyǵysqa aýysady, oblystyń ońtústiginde 15-20 m/s, keıde ekpini 25 m/s jetedi.

Almaty oblysynyń taý bókterinde jáne taýly aımaqtarynda túnde tuman túsip, joldar kóktaıǵaq bolady. Ortalyqta kúndiz ońtústik-batystan soǵatyn jeldiń ekpini oblystyń shyǵysynda 18 m/s.

Atyraý oblysynyń batysynda, ońtústiginde, shyǵysynda tuman túsedi.

Aqtóbe oblysynyń ońtústiginde túnde qalyń qar jaýady. Oblystyń ońtústiginde, ortalyǵynda jáne shyǵysynda qarly boran soǵady. Oblystyń batysy men soltústiginde tuman túsedi.

Soltústik-batystan jel ońtústikte, ortalyqta, oblystyń shyǵysynda 15-20 m/s ekpinmen soǵady.
Shyǵys Qazaqstan oblysynyń batysynda, soltústiginde, ońtústiginde tuman kútiledi.

Jambyl oblysynda túnde taýly aımaqtarda qar jaýyp, kóktaıǵaq bolady, kúndiz jaýyn-shashyn (jańbyr, qar), kóktaıǵaq, oblystyń taýly aımaqtarynda qatty jaýyn-shashyn (jańbyr, qar) kútiledi. Oblystyń soltústiginde, ońtústiginde, taýly aımaqtarynda tuman túsedi. Ońtústik-batystan soǵatyn jel ekipini oblystyń taýly aýdandarynda 15-20 m/s, kúndiz keı jerlerde 23-28 m/s deıin jetedi.

Jetisý oblysynyń taýly aımaqtarynda túnde tuman kútiledi. 

Kúndiz batysta, Qaraǵandy oblysynyń ortalyǵynda qalyń qar jaýady. Túnde oblystyń batysy men shyǵysynda kóktaıǵaq, kúndiz burqasyn bolady. Oblystyń batysynda, ońtústiginde jáne shyǵysynda keı jerlerde tuman túsedi. Kúndiz ońtústik-shyǵystan soǵatyn jel ekpini 15-20 m/s.

Qostanaı oblysynyń ońtústiginde túnde qalyń qar jaýady. Oblystyń shyǵysy men ońtústiginde qarly boran soǵady. Oblystyń batysy men shyǵysynda tuman túsedi. Oblystyń ońtústigi men shyǵysynda ońtústik-batystan soǵatyn jel soltústik-batysqa burylyp, ekpini 15-20 m/s jetedi.

Qyzylorda oblysynda jaýyn-shashyn (jańbyr, qar), kóktaıǵaq kútiledi. Túnde shyǵysta, oblys ortalyǵynda tuman túsedi. Ońtústik-shyǵystan soǵatyn jel túnde oblystyń soltústik-batysyna qaraı aýysady, kúndiz oblystyń basym bóliginde 15-20 m/s, al oblys ortalyǵynda ekpini 25 m/s bolady.

Pavlodar oblysynyń shyǵysynda túnde jáne tańerteń tuman kútiledi.

Soltústik Qazaqstan oblysynda kúndiz qar jaýady dep kútilýde. Kúndiz oblystyń ońtústiginde burqasyn kútiledi. Oblystyń ońtústiginde, soltústiginde jáne shyǵysynda tuman kútiledi.

Túrkistan oblysynda tańerteń jáne kúndiz jaýyn-shashyn, oblystyń taýly aımaqtarynda qatty jaýyn-shashyn (jańbyr, qar) kútiledi; Oblystyń soltústiginde, batysynda, taýly aımaqtarynda tuman túsedi. Jel ońtústik-batystan soǵady, tańerteń jáne kúndiz soltústik-batysqa aýysady, soltústikte, batysta, ońtústikte, oblystyń taýly jáne taý bókterindegi aýdandarynda 15-20 m/s, oblystyń taýly asýlarynda keı jerlerde 28 m/s jyldamdyqta jel soǵady.

Kúndiz Ulytaý oblysynda jaýyn-shashyn (jańbyr, qar) kútiledi, batysta, soltústikte jáne oblys ortalyǵynda qalyń qar jaýady. Túnde boran bolyp, kúndiz qar jaýyp, kóktaıǵaq bolady.

Oblystyń batysynda, soltústiginde jáne ońtústiginde keı jerlerde tuman túsedi. Kúndiz oblystyń batysynda, soltústiginde, ońtústiginde ońtústik-shyǵystan soǵatyn jel ekpini 15-20, keı ýaqytta 23 m/s deıin jetedi.

Shymkentte tańerteń jáne kúndiz ońtústik-batystan soǵatyn jel soltústik-batysqa aýysady.