Qazaqstannyń 11 oblysynda daýyldy eskertý jarııalandy

<p>ASTANA. KAZINFORM &mdash; 3 qańtarda Qazaqstannyń basym bóliginde daýyldy eskertý jarııalandy, dep habarlaıdy &laquo;Qazgıdromet&raquo; RMK.</p>

3 qańtarda túnde jáne tańerteń Atyraý oblysynyń ońtústiginde, soltústiginde, shyǵysynda, Qyzylorda oblysynyń batysynda, soltústiginde, shyǵysynda tuman túsedi.

Batys Qazaqstan oblysynyń soltústigi men shyǵysynda tuman, kóktaıǵaq kútiledi. Túnde ońtústik-batystan soǵatyn jeldiń ekpini 15-20 m/s.

Qaraǵandy ​​oblysynyń ońtústiginde jáne batysynda túnde azdaǵan jaýyn-shashyn, kúndiz oblystyń soltústiginde jaýyn-shashyn (jańbyr, qar) túsedi. Túnde oblystyń ońtústigi men batysynda, kúndiz oblystyń soltústiginde burqasyn, kóktaıǵaq bolady. Oblystyń batysynda, soltústiginde jáne ońtústiginde keı jerlerde tuman túsedi. Oblystyń batysynda, soltústiginde, shyǵysynda ońtústik-batystan soǵatyn jeldiń ekpini 15-20, keı ýaqytta 23-28 m/s.

Ulytaý oblysynyń batysynda, soltústiginde jáne shyǵysynda túnde burqasyn, kóktaıǵaq bolady, kúndiz oblystyń batysynda, soltústiginde jáne shyǵysynda qar jaýyp, kóktaıǵaq bolady. Oblystyń batysynda, soltústiginde jáne ońtústiginde keı jerlerde tuman túsedi. Oblystyń batysynda, soltústiginde, shyǵysynda ońtústik-batystan soǵatyn jeldiń ekpini 15-20 m/s.

Abaı oblysynda 3 qańtarda kúndiz burqasyn, kóktaıǵaq kútiledi. Kúndiz ońtústik-batystan soǵatyn jeldiń ekpini 15-20 m/s.

Shyǵys Qazaqstan oblysynda túnde jáne tańerteń qarly boran soǵady. Ońtústik, ońtústik-batystan soǵatyn jel kúndiz ekpini 15-20 m/s.

Túnde Aqtóbe oblysynyń soltústigi men shyǵysynda burqasyn, kóktaıǵaq kútiledi. Soltústikte ońtústik-batystan soǵatyn jel oblystyń shyǵysynda 15-20, túnde ekpini 23 m/s.

Qostanaı oblysynda túnde jáne tańerteń burqasyn, kóktaıǵaq kútiledi. Ońtústik-batystan 15-20 m/s jel soǵady.

Mańǵystaý oblysynyń batysynda, soltústik-shyǵysynda jáne ortalyǵynda tuman túsedi.

Aqmola oblysynda jaýyn-shashyn (jańbyr, qar), burqasyn, kóktaıǵaq, tuman kútiledi. Ońtústik-batystan soǵatyn jel 15-20, ekpini 23 m/s.