Qazaqstannan zańsyz shyǵarylǵan aktıvter kez kelgen elde bolýy múmkin – Bas prokýratýra

<p>Elimizden zańsyz shyǵarylǵan aktıvterdi qaıtarý jumysy naqty ıýrısdıktsııalarmen shektelmeıdi. Bul týraly Bas prokýratýradan málim etti, dep habarlaıdy <a href="Kazinform." target="_blank" rel="noopener">Kazinform.</a></p>

«Búgingi tańda shamamen trıllıon teńgege, onyń shetelden 589 mln dollarǵa (BAÁ-den 15 mln, Lıhtenshteınnen 260 mln, Avstrııadan 82 mln, Gonkongtan 2 mln dollar jáne t.b.) zańsyz satyp alynǵan aktıvter memleketke qaıtaryldy. Aqsha qarajatynan bólek iri kásiporyndardyń aktsııalary men úlesteri, keńse ǵımarattary, meıramhanalar, bıznes ortalyqtary, tańdaýly jer ýchaskeleri, bazarlar, temir joldar, qymbat zergerlik buıymdar jáne basqalary qaıtarylyp otyr», - delingen Bas prokýratýranyń agenttik saýalyna bergen jaýabynda.

Vedomstvonyń málimetinshe, aktıvterdi qaıtarý jumysynda qandaı da bir josparly kórsetkish pen shekteýler joq. Aktıvterdi qaıtarý geografııasy óte keń. 

«Aktıvterdiń Men araly, Brıtandyq Vırgın araldary, Malta, Kıpr, Seıshel syndy offshorlyq ıýrısdıtsııalarǵa shyǵarylǵany týraly málimetter bar. Zańsyz shyǵarylǵan aktıvter kez kelgen elde bolýy yqtımal. Sondyqtan da aktıvterdi qaıtarý jumysy naqty ıýrısdıktsııalarmen shektelmeıdi», - dep atap ótedi Bas prokýratýradan.