Qazaqstannan tysqary aımaqta 65 saılaý ýchaskesi ashylady

ASTANA. QazAqparat - QR Ortalyq saılaý komıssııasy saılaý kúni shetelde bolatyn Qazaqstan azamattaryna arnap 65 saılaý ýchaskesin ashady. Bul týraly búgin OSK hatshysy Baqyt Meldeshev málim etti.

«Shetelde shamamen 65 saılaý ýchaskesi ashylǵan. Olar: Eýropada, Amerıkada, Azııada. Árıne, biz barlyq eldi qamtı almadyq. Degenmen, Qazaqstan azamaty saılaý kúni shetelde bolatyn bolsa, onda olar saılaý ýchaskesine kelip, jeke kýáligin kórsetý arqyly daýys bere alady. Menińshe, olarǵa daýys berý quqyqtaryn júzege asyrýǵa múmkindikteri bar. Olarǵa da bıýlletender beriledi», - dedi B.Meldeshev «QazAqparat» tilshisine bergen suhbatynda.

Aıta keteıik, elimizde tysqary aýmaqta shamamen 20-30 myń qazaqstandyq azamat bar. Olar 26 sáýir kúni elimizde ótetin kezekten tys Prezıdent saılaýynda kandıdattarǵa óz daýystaryn bere alady.