Qazaqstannan Túrkııaǵa 600 konteıner jasymyq eksporttalady
Aqmola oblysyndaǵy Azat stantsııasynan jóneltiletin jasymyq Túrkııanyń Mersın stantsııasyna jetkiziledi. Aýyl sharýashylyǵy daqylyn dittegen jerine jetkizýdi «Qazaqstan temirjoly» ulttyq kompanııasynyń «KTZ Express» aktsıonerlik qoǵamy júzege asyrýdy qolǵa alyp otyr. Osy maqsatta «KTZ Express» aktsıonerlik qoǵamy men túrkııanyń «Teryak group» kompanııasymen 15 myń tonna ónimdi jóneltý týraly kelisimshart jasalǵan.
«Búgingi tańda «Qazaqstan temirjoly» ulttyq kompanııasynyń «KTZ Express» aktsıonerlik qoǵamy áleminiń kóptegen elderine júk tasymaldaýmen aınalysady. Onyń ishinde otandyq aýyl sharýashylyǵy ónimderin eskporttaý durys jolǵa qoıylǵan. Osy rette, «KTZ Express» aktsıonerlik qoǵamy júkterdiń dittegen jerine kedergisiz jetkizilýin qamtamasyz etedi. Osy maqsatta «KTZ Express» aktsıonerlik qoǵamy Túrkııanyń «Teryak group» holdıngimen 15 myń tonna jasymyqty jóneltý týraly kelisimshart jasasty. ıAǵnı, 600 konteınerdi tasymaldaýǵa kepildik beredi», - dedi «KTZ Express» AQ bas dırektory Nurlan Igembaev.
Qazirgi kezde jasymyqtyń alǵashqy partııasy Azat stantsııasynda arnaı konteınerlerge tıelýde.
«Azat» JShS basshylyǵynyń aıtýynsha, júk aıtylǵan merziminde tıelip, ıaǵnı aldaǵy dúısenbi kúnine deıin tıelip, jóneltiletin bolady.
«Bizdiń kásiporynda alǵash ret bıylǵy jyldyń jasymyǵyn eksporttaý qolǵa alynyp otyr. Vagonmen emes, arnaıy konteınerler arqyly. Bul bizge ónimdi tókpeı shashpaı jetkizýge múmkindik beredi. Qazir kezde 2 myń tonna jasymyqty vagondarǵa tıep, jedel jóneltý boıynsha turaqty baqylaý sharalary júrgizilýde. Jumys kestege saı júrizilýde», - dedi kásiporyn basshysy Qanat Tólebaev.
Aıta keteıik, «KTZ Express» aktsıonerlik qoǵamy kelisim shart boıynsha jyl sońyna deıin 10 myń tonna jasymyqty eksportqa tasymaldaýdy josparlap otyr.