Qazaqstannan Tájikstanǵa medıtsınalyq jabdyqtardy jetkizý kólemi artady

ASTANA. QazAqparat – Qazaqstan Tájikstanǵa natrıı tsıanıdin jetkizýdi jalǵastyrady. Bul týraly elordada ótken bıznes-forýmda QR Indýstrııa jáne ınfraqurylymdyq damý vıtse-mınıstri Dınara Şeglova aıtty, dep habarlaıdy QazAqparat tilshisi.

«Tájikstan Respýblıkasynyń kásiporyndary úshin natrıı tsıanıdin («Talas Investment Company» JShS) jetkizý kólemi jyl saıyn artyp keledi. Biz bul jetkizilimder búgin Qazaqstan men Tájikstan arasynda qol qoıylatyn birlesken is-qımyl jospary aıasynda bekitiledi», - dedi D. Şeglova.

Onyń aıtýynsha, Qazaqstannan glınozem jetkizý kólemi ósip keledi. 2023 jyldyń birinshi toqsanynda 23,07 myń tonna tasymaldanyp, bul kórsetkish 2022 jylǵa qaraǵanda 27 paıyzǵa artyq boldy.

«Budan bólek, medıtsınalyq jabdyqtardy jetkizý bóliginde yntymaqtastyqty keńeıtýdi usynyp otyrmyz», - dedi Dınara Şeglova.

Budan buryn habarlanǵandaı, QR Premer-Mınıstrdiń orynbasary – Saýda jáne ıntegratsııa mınıstri Serik Jumanǵarın Qazaqstan-Tájistan bıznes forýmy aıasynda túske deıin bıznesmender arasynda 1 mlrd 300 mln dollardyń kelisimshartyna qol qoıylǵanyn aıtty.