Qazaqstannan Tájikstanǵa gýmanıtarlyq kómek tabystaldy

ASTANA. QazAqparat - Qazaqstan aǵymdaǵy jyly tabıǵı apattan zardap shekken Tájikstan Respýblıkasynyń halqyna resmı gýmanıtarlyq kómek kórsetý úshin 21 vagon júk jiberdi. Gýmanıtarlyq júk 27 tamyzdan bastap Dýshanbe qalasyna kele bastady. Bul jaıynda Qazaqstannyń Tájikstandaǵy elshiliginen málim etti, dep habarlaıdy QazAqparat.

Búgin Qazaqstan Respýblıkasynyń Tájikstan Respýblıkasyndaǵy Tótenshe jáne ókiletti elshisi Nurlan Seıtimov gýmanıtarlyq júkti saltanatty túrde Tájikstan Respýblıkasynyń Úkimeti janyndaǵy Memlekettik materıaldyq rezervteri Agenttigi dırektorynyń orynbasary Sohıbdjon Zııadýlloevqa tabys etti.

Tabystalǵan sertıfıkatqa sáıkes Qazaqstannan Tájikstanǵa gýmanıtarlyq júk retinde 564 tonna joǵary sortty un, 500 tonna 2 surypty un, 240 myń banki et konservisi, 240 myń banki sút konservisi jetkizilgen.