Qazaqstannan tabylǵan koronavırýstyń tserber shtamy nesimen erekshelenedi

ASTANA. QazAqparat - Sanıtarııalyq-epıdemıologııalyq qadaǵalaý komıteti Qazaqstanda anyqtalǵan «Tserber» shtamynyń erekshelikterin túsindirdi, dep habarlaıdy QazAqparat.

Eske sala keteıik, keshe Qazaqstanda «Tserber» shtamynyń aınalymy tabylǵanyn habarlaǵan edik.

Qazaqstanda tolyq genomdyq sekvenırleý nátıjesinde koronavırýs ınfektsııasy omıkron shtamy vırýsynyń aınalymy anyqtalyp, onyń 0,5%-nan «Tserber» sýbgenetıkalyq jelisi tabyldy.

SARS-CoV-2 vırýsynyń genetıkalyq sıpattamasyn tolyq genomdyq sekvenırleý ádisimen anyqtaý kezinde qarasha aıynda omıkron nusqasynyń aınalymy anyqtaldy, onyń 0,5%-da BQ.1.1 sýbgenetıkalyq jelisi («Tserber») bar bolyp shyqty.

Al 99,5%-da - omıkron shtamynyń basqa nusqalary.

Qazirgi ýaqytta mýtatsııalanǵan tserber 65-ten astam elden, sonyń ishinde Reseı Federatsııasynda, AQSh-ta, Eýropa elderinen anyqtaldy.

Jańa tserber shtamynyń belgileri omıkronnyń burynǵy kishi túrlerinen aıtarlyqtaı erekshelenbeıdi.

Aýrý kóbine jiti respıratorlyq aýrýdyń jeńil túrinde bolady.

Qyzýdyń kóterilýi, býyn aýrýy, azdap murynnan sý aǵý, álsizdik bolýy múmkin, keıbireýlerinde ishek aýrýlary bolady.

Shtamm tez juǵýymen erekshelenedi, alaıda asa qaýipti emes.

Naýqastardy dıagnostıkalaý jáne emdeý basqa COVID-19 shtamdarynan erekshelenbeıdi.

Infektsııadan qorǵaýdyń tásili – COVID-19-ǵa qarsy vaktsınatsııa men revaktsınatsııanyń aıaqtalǵan kýrsy.

SARS-CoV-2 vırýsyn anyqtaý jáne monıtorıngileý jumysy jalǵasady.