Qazaqstannan Sochı qalasyna áýe reısteri ashylady
17:48, 23 Jeltoqsan 2021
NUR-SULTAN. QazAqparat - Reseılik áýe kompanııasy 2022 jyldyń 15 qańtarynan bastap Nur-Sultan - Sochı baǵytynda aptasyna 1 reıs, senbi kúnderi ushýdy josparlap otyr, dep habarlaıdy QazAqparat.
Sondaı-aq 2022 jylǵy 18 qańtardan bastap Almaty-Sochı baǵytynda aptasyna 1 reıs B737/A321 áýe kemelerimen usha bastaıdy.
Nur-Sultan-Sochı jáne Almaty-Sochı baǵyttary boıynsha áýe qatynasyn qalpyna keltirýge Qazaqstan aýmaǵynda koronavırýstyń taralýyna jol bermeý jónindegi vedomstvoaralyq komıssııanyń jáne Reseı aýmaǵyna jańa koronavırýs ınfektsııasynyń ákelinýi men taralýynyń aldyn alý jónindegi jedel shtabtyń sheshimine sáıkes ruqsat etiledi.
Reıs sanyn odan ári arttyrý epıdemıologııalyq jaǵdaıǵa jáne QR vedomstvoaralyq komıssııasy men RF jedel shtabynyń tıisti sheshimderine baılanysty bolady.
Reıster sanıtarlyq-epıdemıologııalyq talaptardy qatań saqtaı otyryp jáne áýe kompanııasynyń saıtynda jarııalanǵan kestege sáıkes oryndalady.