Qazaqstannan shyǵýǵa tyıymnyń bar-joǵyn mobıldik qosymshada tekserýge bolady

NUR-SULTAN. QazAqparat - Qazaqstandyqtar shet memleketterge shyǵýǵa tyıymnyń bar-joǵyn «E-Salyq-Azamat» mobıldik qosymshasynda teksere alady, dep habarlaıdy QazAqparat.

QR Qarjy mınıstrliginiń aqparatyna sáıkes, Memlekettik kirister komıteti «E-Salyq-Azamat» mobıldik qosymshasyna shet elderge shyǵýǵa salynǵan tyıymdy qaraýǵa, boryshkerler tizimimen tanysýǵa múmkindik beretin siltemeni ornalastyrdy.

Málim etilgendeı, sot oryndaýshylar bıýdjet aldynda 40 aılyq eseptik kórsetkishten astam (116 680 teńge, 1 AEK - 2917 teńgegeg teń) qaryzy bar jeke tulǵalarǵa elden tys jerge shyǵýǵa shekteý qoıady. Al aty-jóni boryshkerler tizimine engiziledi.

Mobıldik qosymshaǵa kirý úshin azamattyń uıaly telefon nómiri mobıldi azamattar bazasynda (HQKO) JSN-ǵa baılanýy qajet.