Qazaqstannan shetelge janarmaı áketýdiń 288 faktisi áshkere boldy

ASTANA. QazAqparat - 31 qańtardan beri Qazaqstan aýmaǵynan janar-jaǵarmaı ónimderin zańsyz alyp ketýdiń 288 faktisiniń joly kesildi. Bul týraly Memlekettik kirister komıtetine silteme jasap QazAqparat habarlaıdy.

Qazaqstan aýmaǵynan benzın, dızel otynyn jáne munaı ónimderiniń keıbir túrlerin avtomobıl kóligimen áketýge tyıym salynǵan sátten bastap memlekettik kirister organdary munaı ónimderin úshinshi elderge zańsyz áketýdiń 94 faktisin anyqtady.

Ol boıynsha sot 1,5 mln teńgeden astam aıyppul salyp, 2 341 lıtr benzın men 25 335 lıtr dızel tárkilendi.

EAEO memleketterimen shekarada 63 myń lıtrden astam (63 820 l) janar-jaǵarmaı ónimderin shyǵarýdyń 194 faktisi anyqtaldy.

Memlekettik kirister komıteti joǵaryda kórsetilgen tyıym (31.01.2023j.) kúshine engen kúnnen (31 qańtar 20236 jyl) bastap elektrondy deklaratsııalaýdyń «ASTANA-1» aqparattyq júıesinde munaı ónimderin kedendik deklaratsııalaýǵa jol bermeý úshin tıisti shara qabyldaǵan.

Osy shekteýge qatysty ákimshilendirý jumystary turaqty negizde alty aılyq tyıym kezeńinde júzege asyrylady.