Qazaqstannan Qytaıǵa ushaq, avtobýs pen poıyz qatynasy qaı ýaqytqa deıin toqtatyldy
Aıta ketsek, buǵan deıin QR Úkimeti janyndaǵy vedomstvoaralyq komıssııa Qazaqstan aýmaǵynda koronavırýstyń taralýyna jol bermeý boıynsha birqatar qosymsha qorǵaný sharalaryn qabyldaǵan bolatyn.
Osy sharalarǵa sáıkes, Qazaqstan men Qytaı arasyndaǵy ushaq, avtobýs pen poıyz qatynasy ýaqytsha toqtatylady. Al «ýaqytsha» degen sóz qandaı merzimdi bildiredi? Tilshilerdiń bul suraǵyna Samat Ǵylymov jaýap berdi.
«Jalpy, boljaýymsha jaǵdaı túzelgenge deıin osy shekteý kúshinde bolady. BAQ-tan habarlaǵandaı, Qytaı tarapy koronavırýstyń shyrqaý shegi aldaǵy bir aptada ótetinin jazyp jatyr. Sol sebepti, bul suraqqa jaǵdaı turaqtalǵansha dep jaýap berer edim», - dedi Samat Ǵylymov.
Al eki el arasyndaǵy logıstıkalyq qarym-qatynasqa qoıylǵan shekteý ekonomıkaǵa qanshalyqty shyǵyn keltirýi múmkin? Bul suraqqa jaýap bergen Samat Ǵylymov ázirge bul suraqqa jaýap berý múmkin emes ekenin aıtady.
«Júk tasymaly boıynsha eki el arasynda eshqandaı shekteý qoıylǵan joq. Al jalpy ol shyǵynnyń esebi jaǵdaı turaqtalǵannan keıin biraq belgili bolady», - dedi ol.