Qazaqstannan Qyrǵyzstanǵa zańsyz janarmaı tasyǵandar ustaldy
20:05, 30 Naýryz 2023
BІShKEK. QazAqparat – Qyrǵyzstan Respýblıkasy Shý oblysynda Qazaqstan otynyn zańsyz tasymaldaǵan 36 jastaǵy júrgizýshi ustaldy, dep habarlaıdy QazAqparat menshikti tilshisi Qyrǵyzstan ІІM -ne silteme jasap.
Aqparatqa sáıkes, janarmaıdy kólik quraldaryna qosymsha bak ornatý arqyly tasymaldaǵan. Keıin ony jol boıynda ári qaraı satyp otyrǵan.
Arnaıy reıd nátıjesinde 29 jeńil kólik pen 7 avtobýstyń 36 júrgizýshisi ustaldy. Barlyq avtokólik quraldary arnaıy aıyppul turaǵyna qoıyldy, júrgizýshiderge 5500 som kóleminde aıyppul salyndy.
Atalyp ótilgendeı, osy jyldyń basynan beri tártip saqshylary zańsyz áketip, satylǵan 24 tonna otyndy anyqtady.
Buǵan deıin Qyrǵyzstanmen shekara aýmaǵynda Qazaqstan benzınin kontrabandalyq jolmen áketip jatqany habarlanǵan bolatyn.