Qazaqstannan Qyrǵyzstanǵa dárilik preparattar zańsyz shyǵarylmaq bolǵan
22:30, 26 Shilde 2022
BІShKEK. QazAqparat – Koreıada óndirilgen dárilerdi Qazaqstannan Qyrǵyzstanǵa alyp ótpek bolǵan er adam ustaldy. Bul týraly Qyrǵyz Respýblıkasy Memlekettik ulttyq qaýipsizdik komıteti Shekara qyzmetinen málim etti, dep habarlaıdy QazAqparat Kabar agenttigine silteme jasap.
Qyrǵyz Respýblıkasynyń memlekettik shekarasy arqyly ótkizilmek bolǵan zańsyz júk «Aq Jol-avtojol» baqylaý-ótkizý beketinde anyqtaldy.
Qazaqstan jaǵyndaǵy ótkizý beketine 35 jastaǵy qyrǵyz azamaty tizgindegen Mercedes-Benz júk avtokóligi kelgen. Mashınany tekserý barysynda shekarashylar Koreıada óndirilgen dári-dármekterdi - 11196 qaptamany tapty. Júrgizýshi Qazaqstannan Qyrǵyzstanǵa taýarlardy zańsyz áketpek bolǵan.
Aıta keteıik, júktiń preparattarǵa ilespe qujattary bolmaǵan. Aldyn ala málimet boıynsha, ustalǵan júktiń naryqtyq quny 5 mıllıon somdy quraıdy.