Qazaqstannan keıbir aǵash túrlerin áketýge tyıym salynýy múmkin

ASTANA. QazAqparat – Qazaqstan aýmaǵynan otyn retinde paıdalanylatyn keıbir aǵash túrlerin ákeýge tyıym salynýy múmkin. Mundaı usynys ashyq talqyǵa shyǵarylǵan Indýstrııa jáne ınfroqurylymdyq damý mınıstrliginiń buıryǵynda jazylǵan, dep habarlaıdy QazAqparat tilshisi.

«Qazaqstan aýmaǵynan taýar kody 4401 (otyn retinde paıdalanylatyn bóreneler), 4403 (otyn retinde paıdalanylatyn óńdelmegen aǵashtar), 4404 (óńdelmegen aǵash qadalar men baǵanalar), 4406 (temirjol nemese tramvaı joldaryna arnalǵan aǵash bóreneler) jáne 4407 (qalyńdyǵy 6 mm asatyn aramen kesilgen nemese syndyrylǵan aǵashtar) bolatyn aǵash materıaldaryn áketýge alty aı merzimge tyıym salynsyn», - delingen qujatta.

Buıryqqa sáıkes, atalǵan aǵash túrleriniń el aýmaǵynan tys jerlerge áketýge salynatyn tyıym sharalaryn Memlekettik kirister komıteti, Shekara qyzmeti men «Qazaqstan temir joly» kompanııasy qamtamasyz etýi tıis.