Qazaqstannan qaı elderge áýe qatynasy qalpyna keltirildi

NUR-SULTAN. QazAqparat – QR Indýstrııa jáne ınfraqurylymdyq damý mınıstrliginen málim etkendeı, búgingi tańda 25 elmen aptasyna 257 halyqaralyq reıs oryndalady, dep habarlaıdy QazAqparat.

«Qazaqstanda halyqaralyq áýe reısteri tolyq derlik qalpyna keltirildi. Elimizge nemese elimizden ushatyn otandyq jáne sheteldik áýe kompanııalary óz qyzmetin tolyq kólemde jalǵastyrýda. Olar áýe kompanııalarynyń resmı saıttarynda jarııalanǵan kestelerge sáıkes oryndalady», - delingen mınıstrlik habarlamasynda.

Búgingi tańda 25 elmen (Armenııa, Ázerbaıjan, Belarýs, Ulybrıtanııa, Vengrııa, Vetnam, Germanııa, Grýzııa, Úndistan, Katar, Koreıa, Qyrǵyzstan, Maldıv araldary, Nıderlandy, Birikken Arab Ámirlikteri, Kýveıt, Polsha, Reseı, Saýd Arabııasy, Tájikstan, Taıland, Túrkııa, Ózbekstan, Ýkraına, Shrı Lanka) 76 baǵytta aptasyna 257 reıs oryndalýda.

Eke salaıyq, tótenshe jaǵdaı kezinde ushpaı qalǵan áýe reısteriniń jolaýshylary bılet qunyn tolyq qaıtara alady nemese satyp alǵan jerlerinde ony basqa kúnge tegin aýystyrýǵa bolady.

Buǵan deıin QR IIDM Qazaqstanda ishki avıareıster tolyq qalpyna keltirilgenin málim etken bolatyn.