Qazaqstannan qashqan 19 qylmysker TMD elderi aýmaǵynda ustaldy
«Іshki ister mınıstrligi TMD elderimen birlesken»izdestirý«operatsııasyn júrgizdi. Operatsııa barysynda respýblıkanyń krımınaldyq polıtsııa qyzmetkerleri asa aýyr jáne aýyr qylmystar jasaǵany úshin izdeýde júrgen qylmyskerlerdi ustaý boıynsha birqatar arnaıy operatsııa uıymdastyrdy. Máselen, Jambyl oblysynyń Qordaı aýdanynda polıtsııa qyzmetkerleri ótken jyldyń qarasha aıynan beri izdeýde júrgen jergilikti turǵyndy anyqtap, ustady. Ol Almaty qalasynyń túngi klýbynyń janynda beıtanys adamǵa qasaqana pyshaq salyp óltirgen», - dedi Shuǵyla Turlybek Іshki ister mınıstrliginiń baspasóz qyzmeti alańynda ótken brıfıng barysynda.
Sondaı-aq onyń dereginshe, Qaraǵandy oblysynyń Shahtınsk qalasynda jedel qyzmetkerler Reseı Federatsııasynyń Altaı ólkesiniń polıtsııasy qaraqshylyq shabýyl kezinde kisi óltirgeni úshin 2002 jyldan beri izdestirip júrgen 42 jastaǵy reseılikti ustady. Al elorda polıtseıleri Ózbekstandaǵy áriptesteriniń suraý salýy boıynsha 2022 jyldyń qazan aıynan izdeýde júrgen Ózbekstannyń 23 jastaǵy azamatshasyn ustady. Ol qudalyqty syltaýratyp, 21 jastaǵy burynǵy tanysyn Andıjan oblysynan alyp ketip, onyń jalańash fotosýretteri men beınelerin taratpaǵany úshin ápkesinen aqsha bopsalaǵan. Osydan keıin ol Qyrǵyz Respýblıkasynyń aýmaǵynda jábirlenýshini belgisiz adamdarǵa satyp jibergen. Munan bólek, Qostanaı qalasynda ótken jyldyń jeltoqsan aıynan bastap Sankt-Peterbýrg polıtsııasy izdeý salǵan áıeldi qolǵa túsirdi.
«TMD elderiniń aýmaǵyndaǵy operatsııa barysynda ishki ister organdarynyń qyzmetkerleri memleketimizdiń quqyq qorǵaý organdary izdegen adamdardy tutqyndady. Shemonaıha aýdanynyń Pervomaısk kentindegi saıabaqta áıelmen birge aryq iship, jynystyq qatynastan soń óltirgeni úshin 1994 jyldan beri izdeýde júrgen Shyǵys Qazaqstan oblysynyń 62 jastaǵy turǵyny Reseı Federatsııasynyń Krasnodar ólkesinde qolǵa tústi. Reseı Federatsııasynyń Novorossıısk qalasynda jergilikti polıtsııa qyzmetkerleri Shymkent tártip saqshylary alaıaqtyǵy úshin izdestirip júrgen 23 jastaǵy Qazaqstan azamatyn anyqtap, temir torǵa qamady. Operatsııanyń 2 kúniniń qorytyndysy boıynsha izdeýde júrgen barlyǵy 290 qylmysker anyqtalyp, ustaldy. Onyń ishinde respýblıkadan tys jerlerde – 19, Dostastyq elderi úshin – 137 qylmysker qolǵa tústi.
Sonymen qatar, polıtsııa habar-osharsyz ketken 79 adamnyń ornalasqan jerin anyqtady», - dedi ol.